Zeremii 23:2 - LAWA A BOO SONBORE 2011

² Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

LAWA A BOO SONBORE

² Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 23:2 ပူးပေါင်းရင်းမြစ်များ

Bɔ bɛ̀rɛbaa nɛ 32:34

Kanna kəni, woo! Zaman kɛ lɛ nyɛɛnaan bɔ, ma bǎã mɛn pɛ n nɛ, wo-n walan. Ma din a lon a dia dí-a wole n die tɔ we n nyɛɛnɛ. Sɛnɛ, bɛ̀ ma yoo ǹ mɛn pinaa, ma á re dɔlɔ boe ǹ ganaa ǹ sii baraan lɛa.»

Zeremii 10:21

Zaman-lɛduə̃lin nə́ baãnaabaa zɛnaa. Ǹ ga Dɛnaa Lawa li wa. Bɛ lɛ nɛ, ǹ sii kɔn yɔrɔ yɛ wa. Ǹ bɛ minin mɛnɛn mìi la, ǹ tumaa pɛsɛ̃.

Zeremii 11:22

Bɛ lɛ nɛ, Dɛnaa Lawa Pàãyiidɛnaa n kɛ pii: «Man die yui ǹ gialaa. Ǹ tá re ǹ nɛ tenən dii zia la. Bòo á re ǹ nɛgiĩn laanka ǹ nɛlɔn dii.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 13:20

Zeruzalɛmu, n yii saa n ga: Zɔ́ɔn man boe gɔsɛ a lɛ̀gɔn li. Ma tɔɔ kuru mɛn koa n li, bɛ á maa? Sèren mɛnɛn nə goã n foo kɔɔ̃n koe, ǹ tá maa?

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 23:34

Kɔntan, zaman lɛ a min, Lawa a boo gii-dali lɛa hinlaa Lawa a wúlu-bɔle lɛa, bɛ á re pii mà Dɛnaa Lawa guĩ da asɛ mìi ni. Á bǐɛ̃ kɔ, man die yui a gialaa, ka a kion minin ni.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 5:9

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Ezekieli 34:5

Bɛ lɛ na á toa tɔɔn lɛn nə́ sasawaa, a giala, ǹ lɛduəli banban. Ǹ nə́ sasawaa, ǹ nə́ don mànan màn-bii baa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Zakarii 10:3

«Ma foo n yoo-n sére-lɛduə̃li baraan kɛn li. Man die yui butumun kɛn gialaa. Taãn nɛ, masɛ Dɛnaa Lawa Pàãyiidɛnaa, man die n doe maa zaman Zudaa minin kɛn lɛ. Man die ǹ biɛ maa ziabaa ǹ sùi sonboren lɛa.

Zakarii 11:16

A giala, man die tɔɔ-lɛduə̃li kɔsɔ diɛ gána lɛ nɛ: Sèren mɛnɛn bɛ́ ǹ banban, a re n taasɛ bɛn nɛ wa, ǹ mɛnɛn nə papaã, a re giɛ bɛn li wa, ǹ mɛnɛn bɛ́ busulən lɛa, a re giɛ bɛn walan wa, ǹ mɛnɛn bɛ́ kakabaa la, a re màn kɔn koe bɛn la wa. Sɛnɛ, n mɛnɛn bɛ́ kasiɛ̃ nɛ ǹ bii, a n die bɛn soɛ̃, a ǹ gòon tɔnɔn wɔwoɛ̃.»

Matiə 25:36

Ma gɔ̀nɔn kooro bɛ́ á goã, ka mɔnaa wɔ ma ganaa. Ma bɛ́ ma goã lon wa, ka ga ma walan. Ma bɛ́ má goã kòso-n, ka daa n yii kɔ ma ganaa.»

Matiə 25:43

Má goã tii lɛa, ka ma bíi kaa piɛ wa. Ma gɔ̀nɔn kooro bɛ́ á goã, ka mɔnaa wɔ ma-a wa. Ma bɛ́ ma goã lon wa, ka bɛ dɔ nɛ, ma bɛ́ má goã kòso-n, ka da ǹ yii kɔ ma-a wa.»

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.