Zeremii 23:13 - LAWA A BOO SONBORE 2011

¹³ Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

LAWA A BOO SONBORE

¹³ Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Zeremii 23:13 ပူးပေါင်းရင်းမြစ်များ

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

KZS2 33:9

Sɛnɛ, Manaasee Zeruzalɛmu minin laanka Zudaa gána minin kaa sii baraa zɛnaa ganaa. Ǹ sii zɛnaa baraa kɔ á la tɔrɔn kɛn wɔn manɛ Dɛnaa Lawa nə ǹ loo á ǹ bǎã kɔ Izirayeli minin la.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Ozee 4:11

Kɔrɔbaa laanka yɔ mi a la yii-n nə́ ǹ kũ á ǹ baa gàãnaan lɛa.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.