Zeremii 22:3 - LAWA A BOO SONBORE 2011

³ Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

LAWA A BOO SONBORE

³ Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 22:3 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Zɔbu 22:9

Ń lɔ giɔɔrɔn loo, ǹ nə́ woo ka ǹ gɔn kooro ne, ń nɛ toenən gɔn yu.

Zɔbu 24:9

Min baraan man nɛ toen lɛ niɛ̃ nyɔ ganaa, maǹ là boe doobaa la.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Loen 82:4

Ka n gɔn bɔ pàãwɛɛnaa laanka doobaa ganaa, ka ǹ si ka ǹ bɔ zɛ̀rɛdɛnan gɔn.

Loen 94:21

Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Loen 94:6

Maǹ lɔ giɔɔrɔn nyin boe, ka tiin ni. Maǹ nɛ toenən dii, ǹ boe kanaa.

Bɔ bɛ̀rɛbaa nɛ 22:21

Ka baran fuu nyaa lɔ giɔɔrɔ kɔ́n nɛ, ka nɛ-toen kɔ́n nɛ wa.

Bɔ bɛ̀rɛbaa nɛ 22:22

Bɛ̀ ka fuu nyaa nɛ, yǎa a n lɛ dɛ masɛ Lawa ganaa, ma á re a lɛ miɛ̃.

Suusun 23:10

N nyan gèlè la ǹ kɔlɔ zɔ̃ wa, n nyan tán si nɛ toenən la wa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Izayii 58:7

Ka kaa màn-bii gii kɔn ka bòonaa nɛ, ka kiɛnlɛ bũ doobaan manɛ, ǹ mɛnɛn kion bɛ́ a banban ka mɔnaa wɔ mɔnaa wɛɛnaa ganaa, ka nyan nə n dɔ̀ɔ̃ wɔ ka dɔɔ̃n nɛ wa.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Zeremii 26:16

Gána nyɛɛnaandɛnan lɛn laanka zaman lɛ tumaa tɔn kɛ pɛ Lawa a wúlu-bɔlen lɛn manɛ ka Lawa a boo gii-dalin lɛn nɛ: «Giĩ kɛ doamaa bie ka gɛ̀-n wa. Sonbore, a na á boo da wɔ nɛ ka Dɛnaa Lawa, wɔa Lawa tɔ nɛ.»

Zeremii 5:28

Ǹ nə́ kã, ǹ wìi wɔ. Maǹ sii baraa zɛnɛɛ yǎa ǹ kiɛ̃ a dan la. Sɛnɛ ǹ sii tumaa n bǐɛ̃ koe. A da yaa ǹ ba nɛ toen a zia gii diɛ wa, ǹ ba kiri pepere we doobaan lɛa wa.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Busii pɛ 3:36

bɛ̀ n tá kiri diɛ min la kiri kuru ǹ bǎã nɛ biikoo mɛn li, Dɛnaa Lawa yii ba a ganaa wa?

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Ezekieli 45:9

Dɛnaa Lawa n ke pii: Izirayeli a goledɛnan lɛn, kaa sii lɛ la yii ni. Ka n bɔ kakaarɛbaa laanka wurumubaa kɛ wɔlɔ li! ka kɔ sonborebaa laanka peperebaa lɛ! Ka maa zaman lɛ a bɔ ma yii-n kɛ lɛ da! Ma din Dɛnaa Lawa a da ǹ boo ne.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Amɔɔsi 5:24

Sɛnɛ ka toa kiri kiɛ̃ a zii li ka mu bɛ́ lɔn. Ka toa kaa sii pepere zɛnaa goã ka tà mu bɛ́ lɔn, a ná a nyɛɛ wa.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 23:23

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Timəə dí-pɛn 10:18

A din nə boe nɛ-toenən laanka lɔ giɔɔrɔn lɛ-a, a n gùlin narɛ, a màn-bii laanka wɔ ǹ mɔnaa kɔ ǹ la.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Timəə dí-pɛn 24:7

Bɛ̀ Izirayeli min mɛn ná a din miã Izirayeli min koã, a na á baa bɛ̀rɛ lɛa hinlaa a na á sã, bɛa wurumu lɛ doamaa-n ka gɛ̀ nɛ. Ka zɛnaa miɛ̃, màn mɛn bɛ́ toɛ, ka sii baraa bɔ ka bɔ ka bii.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Timəə dí-pɛn 27:19

Bɛ̀ min mɛn sii kɔkɔrɔ zɛnaa á mɛnaa gùli la, nɛ-toen hinlaa lɔ giɔɔrɔ la, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.