Zeremii 22:27 - LAWA A BOO SONBORE 2011

²⁷ Ka á re zoɛ̃ li mà ka wusoo ka wo kaa gána nɛ, sɛnɛ, ka a re n bɔyɛɛ doɛ̃ wa.

LAWA A BOO SONBORE

²⁷ Ka á re zoɛ̃ li mà ka wusoo ka wo kaa gána nɛ, sɛnɛ, ka a re n bɔyɛɛ doɛ̃ wa.

Zeremii 22:27 ပူးပေါင်းရင်းမြစ်များ

Loen 86:4

N din nə n dí-nyali foo kɔɔ̃n kɔ, a giala, mà ma yɔrɔ n dia nɛ n din la, Dɛnaa.

Zeremii 22:10

Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.

Zeremii 22:11

Dɛnaa Lawa n kɛ pii Zudaan kii Zoziasi a nɛgiĩ Salumu a paǹ li, asɛ mɛn kii baa ǹ di Zoziasi bǎã nɛ. «Salumu soo, a ba kànaa doo wa, a re die doo wa.

Zeremii 22:12

Ǹ kũ ǹ nə́ woo ne gána mɛn nɛ, á re giɛ̃ walan. A yii á re miɛ a gána kɛ-a doo wa.»

Zeremii 22:26

N laanka n dan mɛn nə n yɛ, ma á re ka lui ma ka kaa gána nɛ, ka bɛ́ ka yɛ ǹ mɛn nɛ wa. Walan lɛ nɛ ka á re giɛ̃.

Zeremii 22:28

Minin man nɔ̀n diɛ: «Konia lɛ na á n baa ka dɔn kɔrɔ bɛ́ lɔn, a na a màn kɔn bǐɛ̃ koe doo wa? Wàa na á baa, ǹ bɛ́ ǹ ba gána mɛn doɛ̃ wa ǹ nə́ a laanka a nɛnyaanan loo ǹ nə́ ǹ kaa walan?»

Zeremii 28:4

A Zozakimu a nɛgiĩ Zudaan kii Yekonia laanka min mɛnɛn tumaa goa á woo ǹ ne Baabilonii, ma á re wusii ma da ǹ nɛ kànaa. Baabiloniin kii a pàã ke ka wìi li ka zǔu bɛ́ lɔn, ma á re bɛ yiɛ ma bɔ ka bɔlɔ-a. Masɛ Dɛnaa Lawa a da ǹ boo ne.»

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 44:14

Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»