Zeremii 22:15 - LAWA A BOO SONBORE 2011

¹⁵ Ma ǹ zoɛ̃ li n nə n kiibaa nyaa bɛ lɛ a lɛa nɛ ń nə n kion dɔ ka Sɛdrə gɔn nɛ. A da yaa n díi goã màn bii, a n màn mii ka min tumaa bɛ́ lɔn, a n koe peperebaa lɛ, a n kiri pepere we. A sii tumaa goã bǐɛ̃ koe.

LAWA A BOO SONBORE

¹⁵ Ma ǹ zoɛ̃ li n nə n kiibaa nyaa bɛ lɛ a lɛa nɛ ń nə n kion dɔ ka Sɛdrə gɔn nɛ. A da yaa n díi goã màn bii, a n màn mii ka min tumaa bɛ́ lɔn, a n koe peperebaa lɛ, a n kiri pepere we. A sii tumaa goã bǐɛ̃ koe.

Zeremii 22:15 ပူးပေါင်းရင်းမြစ်များ

Samayeli2 8:15

Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

Kiin1 10:9

Barka á Lawa, Dɛnaa Lawa lɛ ganaa, kɛ lɛ á bǐɛ̃ kɔ n ganaa, á n da Izirayeli a kiibaa la. A giala Izirayeli sii n kɔɔ̃n Dɛnaa Lawa ganaa duduu, bɛ lɛ na á toa á n koa kii lɛa mà n minin sii yɔrɔ bɔ, n sii pepere nya ǹ nɛ.»

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

Kiin2 23:25

Kiin mɛnɛn nə kiɛ̃ Zoziasi nyɛɛn lɛlɛ, ǹ kɔn nə yɛ ka a bɛ́ lɔn, á wusoo á daa Dɛnaa Lawa ganaa ka a foo din tumaa nɛ, ka a gɔ́ɔ̃ din tumaa nɛ, ka a taasiɛ din tumaa nɛ, á kɔnpɛ ka Muizu a dí-pɛ kɛ tumaa-n wa. Zoziasi kio, kii kɔn yɛ ka a bɛ́ lɔn wa.

KZS1 3:15

Zoziasi a nɛnyaanan man ka kɛn nɛ: A nɛ bibinaa n ka Zoanan nɛ, a paabaa ǹ wɔ n ka Zoakimu ni, a sɔɔbaa ǹ wɔ n ka Sedekiasi ni, a siibaa ǹ wɔ n ka Salumu ni.

KZS2 34:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

KZS2 35:22

Sɛnɛ, Zoziasi yiri nə n bɔyaa wa. Bɛ lɛ nɛ, a n too kɔ Nekoo a boo lɛ-a wa, a da yaa dɔn, boo lɛ n boe Lawa dinmaa li. A ná a kiibaa ǹ mɔnaan sɔlɔ màn mɛn bɛ́ toɛ a nyan dɔ̃ wa, á tɔn woo Megidoo a nyankɔrɔ lɛ kɛ nɛ zia la.

KZS2 35:26

Zoziasi a nya ǹ dí gialakunun kɛn, a kũ a bibinaan ganaa a wo a giala nyɔmiɛ̃ yaa, ǹ tá kiɛ̃ nɛ Izirayeli laanka Zudaan kiin sɛ́wɔ nɛ. Zoziasi goã bɔlɔgoondɛnaa lɛa lɔn, a kɔnpɛ ka Dɛnaa Lawa a dí-pɛn sɛ́wɔ kɛa boon ne, sɛ́wɔ lɛ n bɛ nyɛɛ.

Suusun 20:28

Sonborebaa laanka bɔlɔgoondɛnaabaa n kii tamɛɛ. Sonborebaa na a kiibaa gòã we tán.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Suusun 25:5

Min baraa loo n bɔ kii a sumu, a kiibaa lɛ gòã á re we tán ka peperebaa nɛ.

Suusun 29:4

Kii mɛn bɛ́ koe dí-pɛn lɛ, a gána a naforon gòã n doɛ. Sɛnɛ, ǹ mɛn bɛ́ nyin giɔ̀mɔ sii á la yii ni, a na a gána yui.

Suusun 31:9

N lɛ bũ n kiri kuru ka peperebaa nɛ. Boo da nɔmaa-wɔlen laanka doobaan lɛa.

Boo-laakalaali 10:17

Nsɛ wɔ na á bǐɛ̃ kɔ, nsɛ gána ke, n kii n min yii guguru-an nɛ lɛa, n kii kiodɛnan nə́ màn bii á n kɔnpii ka a biikoo ne, ń giɛ ǹ nə́ pàã yii, màn mi a lɛa ná a bie wa.

Boo-laakalaali 2:24

Màn kɔn din ba soɛ minbuiin nɛ ganaa wa. Bɛ̀ á n bɔ, a màn bii, a màn mi, a bɛ́ màn mɛn boe a dí ni, a n nyɛnyɛɛ bɛ la. Má yɛ, máa bɛ dɔ n Lawa a nya ǹ dí lɛa.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 22:18

Bɛ lɛ nɛ, Dɛnaa Lawa boo mɛn da Zudaan kii Zoziasi a nɛgiĩ Zozakimu á paǹ li, á ke: Bɛ̀ á gã, gɛ̀ loe ba re n loe wa. Min kɔn ba re pii: «Wàa koe n ka kɛ nɛ, dɔɔ̃ngiĩ! Wàa koe n ka kɛ nɛ, dɔɔ̃nlɔ!» Min kɔn ba re wuu pii a pɛ: «Wàa koe n ka kɛ nɛ, dɛnaagiĩ! Wàa koe n ka kɛ nɛ, kii!»

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 42:6

Wɔ n bɛa nɔ̀n da Dɛnaa Lawa la lɛ sii we n din gɔn. A bɛ re boo woo boo diɛ wɔ nɛ, wɔ á re koe lɛ, ta á kɔɔ̃n wɔ ganaa ta a kɔɔ̃n wɔ ganaa wa. Bɛa biikoo li kəni, wɔa sii tumaa á re bǐɛ̃ koe. A giala wɔ á re Dɛnaa Lawa wɔa Lawa bɔlɔ sii.»

Zeremii 7:5

Sɛnɛ, ka kaa giã ǹ gɔn laanka kaa zɛnaa ǹ siin bɔyaa ka ka foo tumaa nɛ, ka kiri pepere wɔ kɔn nɛ.

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.