Zeremii 21:5 - LAWA A BOO SONBORE 2011

⁵ Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

LAWA A BOO SONBORE

⁵ Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 21:5 ပူးပေါင်းရင်းမြစ်များ

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 9:15

Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa.

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 37:10

Ta ka n boe Baabilonii gána a sɔraasin tumaa la, ǹ mɛnɛn yii bɛ́ re goɛ̃ koo ǹ bii busulən lɛa, bɛn tá re yui ǹ zìã kionən ne, ǹ tɛ da Zeruzalɛmu kiwi ganaa.»

Zeremii 6:12

Ǹ kionən tá re min kɔsɔn wɔ biɛ, kɔnlɛ ka ǹ wurun ni ka ǹ lɔn nɛ. Ma á re n gɔn siɛ gána kɛa minin li. Dɛnaa Lawa a da ǹ boo ne.

Busii pɛ 2:3

A foo-yoo baraa lɛ gɔ́ɔ̃ nɛ, á Izirayeli pàã tumaa ziziɛ̃. Á n piã ka a dɔmalɛ nɛ bɛ̀ a zɔ́ɔ lɛ bɛ́ á daa á dɔ. Sɛnɛ, á tɛ da, á kũ, a ná a zaman lɛnpɛnɛ.

Ezekieli 39:3

Ma á re n dii, yǎa n nə n gɔsɛ a gɔn kɛ boe n sa kɛ ganaa n daɛ. Ma á re n kiɛn kɛn gɔsiɛ n gusin a gɔn ma ǹ kaa.

Ezekieli 5:8

Bɛ lɛ taman yii, masɛ Dɛnaa Lawa n kɛ pii: «Ma dɔ á die ka gialaa. Man die dɔlɔ boe ka ganaa kiwi lɛ bii, tɔrɔ kɔsɔn kɛn tumaa yɛ.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.