Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 21:10 - LAWA A BOO SONBORE 2011

10 Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

အခန်းကိုကြည့်ပါ။ ကော်ပီ

LAWA A BOO SONBORE

10 Dɛnaa Lawa a da ǹ boo á ke: Hiĩ, man die yui Zeruzalɛmu gialaa, ma baraa zɛnaa nɛ, bǐɛ̃ boo bie wa. Man die we Baabiloniin kii gɔn, a tɛ da a ganaa.»

အခန်းကိုကြည့်ပါ။ ကော်ပီ




Zeremii 21:10
26 ပူးပေါင်းရင်းမြစ်များ  

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.


Dɛnaa Lawa n giɛ min peperen walan, a too n koo ǹ lɛ-dɛ li.


Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»


Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»


– Dɛnaa Lawa, Izirayeli a Lawa n kɛ pii: «Wo pɛ Zudaan kii Sedekiasi ni, mà masɛ n kɛ pii: Man die kiwi kɛ we Baabiloniin kii gɔn, a tɛ da a ganaa.


Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.


Zeremii tɔ́n pɛ Sedekiasi ni: – Dɛnaa Lawa Pàãyiidɛnaa, Izirayeli a Lawa n kɛ pii: «Bɛ̀ n nə́ n din wɔ Baabiloniin kii a gána nyɛɛnaandɛnan gɔn, n yii á re goɛ̃ koo kɔnlɛ ka n sumu minin ni. Tɛ a re n diɛ Zeruzalɛmu ganaa dɔn wa.


Sɛnɛ, bɛ̀ n nə n din wɔ Baabilonii gána nyɛɛnaandɛnan lɛn gɔn wa, Zeruzalɛmu n die n we ǹ gɔn, ǹ tɛ da a ganaa. N ba re liɛ ǹ la wa.»


«Taãn nɛ, ǹ tá re woe n lɔn laanka n nɛnyaanan nɛ Baabilonii minin yɔrɔ-a. N dinmaa dɔ a re kanbiɛ ǹ ganaa wa. Baabiloniin kii á re n biɛ kòso nɛ lɛa, a tɛ da Zeruzalɛmu ganaa.»


Dɛnaa Lawa n kɛ pii doo: «Ma á re kiwi kɛ we Baabiloniin kii a sɔraasin gɔn. Sàabaa ba la wa ǹ tá re kuĩ.»


«Wo pɛ Etiopii min Ebɛdi-Melɛki ni mà Dɛnaa Lawa Pàãyiidɛnaa Izirayeli a Lawa n kɛ pii: Ma bie má goã má bǐɛ̃ boo da Zeruzalɛmu minin man wa, sɛnɛ koe ne. Taãn nɛ, ma boo mɛn da, a n die yɔrɔ yii. Kànaa ka boɛɛn, n tá re yii.


Baabilonii minin nə́ tɛ da kii a kion gana Zeruzalɛmu ka Zeruzalɛmu minin kionən ne. Kungɔn mɛn bɛ́ Zeruzalɛmu kiwi tamaɛ, ǹ nə́ bɛ wuru.


Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Man die yui ka gialaa, ma koe bɔ ka ganaa, ma Zudaa gána a zaman tumaa dɛ.


Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.


Á tɛ da Lawa a kion ganaa, kii kion ne, kionən tumaa nɛ, ka kiwi lɛ a min yii guguru-an kionən ne.


Man die n yɔrɔ bɔyɛɛ ma da ǹ la. Maǹ nə́ soo tɛ-n, sɛnɛ, tɛ á re wusii a ǹ kũ. Bɛ̀ má n yɔrɔ bɔyaa má da ǹ la ǹ mɛn waáraa, ka á re doɛ̃ kəni, mà ma din nə Dɛnaa Lawa lɛa.


Fɔlɔ donkolon lɛ gɔ́ɔ̃ kooro da tɛ nàn la, màn mɛn bɛ́ toɛ a wɔ̃, màn mɛn bɛ́ toɛ a taã, màn gɔgɔrɛn mɛnɛn bɛ́ a gɔ́ɔ̃ nɛ bɛn nə yo, a soe kɛ dɔ kũ a n bɔ a gɔ́ɔ̃ nɛ.


Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.


Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.


Ma á re tɛ diɛ Zudaa gána kɛ ganaa, tɛ á re Zeruzalɛmu a duru ǹ bǎã kakan kɛn kuĩ.


Ta ǹ nə́ woo bɛ̀rɛ baa ǹ zɔ́ɔn li, ma á re yui zia nɛ ǹ ganaa walan, ǹ nə ǹ dɛ. Man die n yii soe ǹ ganaa, ǹ ba re yii-nyɛɛ goon yii wa, yǎa bɔ́n!»


A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ