Zeremii 20:18 - LAWA A BOO SONBORE 2011

¹⁸ Bɛ̀ nɔmaa laanka foo ziziɛ̃ ka sìi á lɛa nɛ baraabaraa maa yiikoonaabaa gɔ́ɔ̃ nɛ, maa yɛ mìi-n ka wàa nɛ?

LAWA A BOO SONBORE

¹⁸ Bɛ̀ nɔmaa laanka foo ziziɛ̃ ka sìi á lɛa nɛ baraabaraa maa yiikoonaabaa gɔ́ɔ̃ nɛ, maa yɛ mìi-n ka wàa nɛ?

Zeremii 20:18 ပူးပေါင်းရင်းမြစ်များ

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Zɔbu 14:13

E, bɛ̀ ma n lɛ koe dinin n ma duru geren piɛ, n ma lɛ tã walan, yǎa n busii kɛ nyɛɛ, yǎa bɛ̀ n yiri gisĩ ma nɛ biikoo mɛn li.

Zɔbu 3:20

Wàa na á baa, Lawa á nɔmaa-wɔle yii toɛ koo? Wàa na á baa, Lawa á wɔlɔ fúlu koe foo ziziɛ̃ wole la?

Zɔbu 5:7

Tɛ bɛ́ pupuri bɛ̀ a yoo lon lɔn sàabaa ná a ba la wa, minbuiin nɛ dɔ na á yɛ nɔmaa taman yii.

Loen 102:3

N baran n dɔ̀ɔ̃ wɔ ma nɛ, maa nɔmaa biikoo kɛ gɔ́ɔ̃-n wa. N too kɔ ma lon. Bɛ̀ ma tá n bíi ǹ mɛn pinaa, n ma lɛ si fufuu.

Loen 69:19

Da ma li, n maa dɔmalɛ wole baa. Maa zɔ́ɔn bɛ́ ǹ tan ke, ma si ǹ la.

Izayii 1:6

A saa n gòã tìsì ganaa a wo n baã bii yaa, bɛ tumaa n sɔsɔlɛɛ nɛ, n paǹ tumaa n busulɛ lɛa, bayɛrɛ nɛ, ka mandɛ lɛ nɛ. Min kɔn nə ǹ lɛ pii wa, min kɔn nyɔɔ lɔ ǹ ganaa wa, min kɔn màn yii ǹ ganaa wa.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Zeremii 15:10

Maa wɔ n ka koe ne! Maa náa, ma n nə́ ma yɛ koe laanka zia taman yii gána lɛ tumaa nɛ? A da yaa, min kɔn a giɔ̀mɔ ba ma ganaa wa, ma wɔrɔ dɔn bii min kɔn la wa. Min tumaa lɛn baraa bíi ma li.

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Busii pɛ 1:12

Ka ga! Kasɛn mɛnɛn tumaa bɛ́ kiɛ̃ zii la, ka koe ke yɛ wa? Ka ga! Koe tan á dɔ masɛ wɔ kɛ li Dɛnaa Lawa da ma mìi ni a foo-yoo baraa kɛa pinaa?

Busii pɛ 3:1

Masɛ n min lɛa fuu n ma mìi ni. Dɛnaa Lawa a foo-yoo na á bɛa fuu lɛ da ma mìi ni.

Abakuku 1:3

Wàa na á baa n tá toɛ ma yii á sii baraa yii? Wàa na á baa n yii á wɔa fuu ganaa, n nə́ n ba sii zɛnɛɛ dɔn wa? Bǎã tumaa nɛ, minin man kokoo we, ǹ nə́ kakaarɛbaa zɛnɛɛ. Kiri laanka zia n bǎã tumaa nɛ.

Zaã a sɛ́wɔ 16:20

Man taãn pii ka nɛ: Ka á re wuu pii ka n lala da, bɛ̀ kanaa minin kɛn tá yaa we. Ka yɔrɔ á re kɔsɛ, sɛnɛ, kaa yɔrɔ-kɔsiɛ á die n bɔyɛɛ a nyɛnyɛɛ baa.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.