Zeremii 20:16 - LAWA A BOO SONBORE 2011

¹⁶ Bɛa dɛnaa nə n baa ka kiwi mɛn nə́ ke Dɛnaa Lawa ziziɛ̃, a makara ná a kũ wa. Baayɛlɛ woo baayɛlɛ, ginii lɛ n boe a nɛ, penleen, ziabaa ǹ lɛ-dɛ nɛ!

LAWA A BOO SONBORE

¹⁶ Bɛa dɛnaa nə n baa ka kiwi mɛn nə́ ke Dɛnaa Lawa ziziɛ̃, a makara ná a kũ wa. Baayɛlɛ woo baayɛlɛ, ginii lɛ n boe a nɛ, penleen, ziabaa ǹ lɛ-dɛ nɛ!

Zeremii 20:16 ပူးပေါင်းရင်းမြစ်များ

Zeremii 18:22

Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 26:13

Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Busii pɛ 4:6

Maa zaman lɛ a sii baraa gole kɔ á la Sodɔmu kiwi kɛ wɔ nɛ. A na á n yu bǎã goon, min kɔn boo la á sii kɔn zɛnaa wa.

Ezekieli 21:22

Masɛ dɔ n die gɛ̀ dii ka ma gɔnɔn paanan nɛ, ma foo mɛn yoo ke, yǎa man foo nyɛɛ. Ma din Dɛnaa Lawa a da ǹ boo ne.»

Ozee 10:14

Bɛ lɛ nɛ, bɔlɔ lɔlɔkɔn gole á re yui n zaman lɛ bii, ǹ tá re kaa duru ǹ bǎã kakan kɛn tumaa ziziɛ̃ ka Bɛti-Arbeli á ke Salaman ziziɛ̃ zia pinaa lɔn, bɛ̀ ǹ bɛ́ ǹ nə́ náa yɔyɔrɛ kɔnlɛ ka a nɛnyaanan nɛ.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Amɔɔsi 2:2

Man die tɛ diɛ Moabu kiwi kɛ ganaa, tɛ á re Keriyɔti kiwi a duru ǹ bǎã kakan kɛn kuĩ. Moabu minin kɛn tá re giɛ̃ lɛ-dɛ wuu li, zia nɛn lɛ-dɛ wuu li, bɛn wuu li.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Zonaasi 3:4

Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Sofonii 1:16

Bɛn wuu lɛawaa nɛ ka zia lɛ-dɛ nɛ, kiwi dadaraan kɛn ganaa, tamaa nɛ, kungɔn sɔsɔrɔn nə́ ǹ lɛnpɛnɛ.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Luku 17:29

Sɛnɛ, Lɔti soo á n bɔ Sodɔmu ǹ mɛn pinaa, Lawa na á tɛ laanka kiribi bɔ lon á kaa kiwi lɛ a minin la ka la bɛ́ lɔn, á ǹ tumaa dɛ.

Timəə dí-pɛn 29:22

Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.