Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 20:12 - LAWA A BOO SONBORE 2011

12 Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n nə n min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

အခန်းကိုကြည့်ပါ။ ကော်ပီ

LAWA A BOO SONBORE

12 Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n nə n min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

အခန်းကိုကြည့်ပါ။ ကော်ပီ




Zeremii 20:12
26 ပူးပေါင်းရင်းမြစ်များ  

Kii Zoasi yiri bɔ ka bǐɛ̃ kɛ nɛ Zakarii ǹ di Zozadaa zɛnaa nɛ, á ǹ kaa a nɛ dɛ ganaa. Zakarii laan mà a n giɛ̃ á pɛ: «Ka bɛ́ sii mɛn zɛnɛɛ, Dɛnaa Lawa yii tá ka ganaa. Á re bɛa gɛ̀ dòo boe ka ganaa!»


Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.


Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.


N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.


Ǹ bɛ́ giɛ baraa mɛn li maa wɔ paǹ li, toa bɛ lɛ wusoo, a mɛnaa ǹ dinin la. N bɔlɔgoondɛnaabaa taman yii, n dɛ n nə ǹ bɔ bii-a.


Ǹ nyan laan mà a n piɛ̃ a bún baa, Lawa a foo-busii á re ǹ goɛ, ka piɛ̃ gole bɛ́ lɔn, a kiɛ̃ ǹ nɛ.


Lawa, masɛ n giɛ n din ganaa, n din nə ma pàã lɛa. Maa duru ǹ bǎã sonbore n ka n din ni.


Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.


Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.


N din nə n dí-nyali foo kɔɔ̃n kɔ, a giala, mà ma yɔrɔ n dia nɛ n din la, Dɛnaa.


Asiirii minin lɛn nə da ka sɛ́wɔ mɛn lɛ nɛ, Ezekiasi saa á pɛ. Bɛ kio, á tɔn woo Dɛnaa Lawa a kion, á bũ Dɛnaa Lawa yɔrɔ-a.


Maa lɛ-dɛ n goon ka leere bàan a lɛ baa nɛ. Maa purii n goon ka kɔlɔ wɔ nɛ. Má nɔmaa ka ga lon ganaa nɛ. Dɛnaa, ma gù gã. N dɔ ma lɛ.


Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n tá min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.


Maa wɔ bɛ́ ka min mɛnɛn nɛ, bɛn giã ǹ gɔn na á goã ka yàran bɛ́ lɔn daã nɛ. Ǹ nə́ lɛ baa ma ganaa, bɛ lɛ nɛ, ǹ tìĩ bɔ ma nyin ni.


Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.


Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!


Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.


Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.


Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.


Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.


Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»


«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ