Zeremii 2:37 - LAWA A BOO SONBORE 2011

³⁷ N tá re soe bɛa gána kɛ lɛ dɔ nɛ n gɔnɔn nə́ n mìi ni, sìi ni n ganaa. Sonbore, n foo bɛ́ doa-n min mɛnɛn ganaa, Dɛnaa Lawa á re bɛn lui. N ba re là goon yii ǹ ganaa wa.

LAWA A BOO SONBORE

³⁷ N tá re soe bɛa gána kɛ lɛ dɔ nɛ n gɔnɔn nə́ n mìi ni, sìi ni n ganaa. Sonbore, n foo bɛ́ doa-n min mɛnɛn ganaa, Dɛnaa Lawa á re bɛn lui. N ba re là goon yii ǹ ganaa wa.

Zeremii 2:37 ပူးပေါင်းရင်းမြစ်များ

Samayeli2 11:12

Davida tɔ́n pɛ Urii ni: «Golee kànaa pelo doo, biɛ̃, ma á re n diɛ n woo.» Urii golee Zeruzalɛmu bɛa pinaa kɛ lɛ nɛ, yǎa a lɛawaa.

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

KZS2 13:12

Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 28:18

Ka lɛ kɔ kɔn la mɛn wɔ ka gɛ̀ nɛ, bɛ á re sàabiɛ, ka ǹ mɛn dɔ wɔ ka geren ne, bɛ dɔ a re yɔrɔ yii wa. Bɛ̀ koe daa, á re ka yɔyɔrɛ.

Zeremii 14:3

Kiãn manə ǹ dí-nyalin diɛ woe giɛ mu li. Ǹ nə́ dɔ tùn lɛ-a, sɛnɛ, mu banban. Maǹ nə n bɔyɛɛ ǹ lon kooromaa. Ǹ foo ziziɛ̃, ǹ yɔrɔ kɔsɛ, ǹ nə́ n mìi kuməə.

Zeremii 14:4

Bǎã tumaa nɛ, tán nə́ n dɛ, a giala, la kaa wa. Bɛ lɛ nɛ, buu-kɔsɔlin foo ziziɛ̃, ǹ nə́ n mìi kuməə.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 2:36

A n siɛ lɔn n tá ziin lon koe n mìi gialaa? Sɛnɛ, Ezipti dɔ n die n foo ziziɛ̃ ka Asiirii bɛ́ lɔn lɛlɛ.

Zeremii 22:20

Zeruzalɛmu, dii Liban kelen la n nə n lɛ dɛ. Toa n lɛ-dɛ dɔ yǎa Basan a diə kɛ nɛ. N toa Abarimu a kelen la n nə n lɛ dɛ. A giala, n sanan tumaa papaã n ganaa.

Zeremii 22:30

A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»

Zeremii 32:5

Ǹ tá re woe ka Sedekiasi ni Baabilonii gána nɛ. Á re goɛ̃ walan, yǎa ǹ mɛn waáraa bɛ̀ má n yiri koa li. Dɛnaa Lawa a da ǹ boo ne. Ta ka woo nyɛɛnɛ ka zia nɛ Baabilonii minin ganaa, kooro ne, ka a re boe màn kɔn la wa.»

Busii pɛ 4:17

Haalɛ bibi, wɔ yii laa zii á gama-a gunun. Wɔ n yii da dɔmalɛ la wɔ fɔ̃. Wɔ n toa wɔa wɔlɔ lɛduə̃ ǹ bǎã nɛ, wɔ n yii da tɔrɔ kɔsɔ a daa la, wáa a wɔ kirisibaa. Sɛnɛ, màn kɔn!

Minin nimi 14:41

Muizu tɔ́n nɔ̀n da ǹ la: «Ka n woe wàa pii walan? Ka na a gialaa Dɛnaa Lawa bɔlɔ tii. Kɛa bǐɛ̃ koe wa.