Zeremii 2:34 - LAWA A BOO SONBORE 2011

³⁴ Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

LAWA A BOO SONBORE

³⁴ Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 2:34 ပူးပေါင်းရင်းမြစ်များ

Kiin2 21:16

Manaasee zɛrɛbaãnaa gigiã dɔ mà kaa tán, yǎa Zeruzalɛmu gɔ́ɔ̃ yii pã ka mà nɛ. Bɛ̀ á yoo bɛ la, sii mɛn bɛ́ baraa Dɛnaa Lawa yii li, a na á Zudaa minin lɛn kaa bɛa zɛnaa ganaa.

Kiin2 24:4

a goã á zɛ̀rɛbaãnaan mà mɛn kaa á Zeruzalɛmu kiwi gɔ́ɔ̃ pã nɛ, bɛ lɛ dɔ taman yii ni. A giala Dɛnaa Lawa lɛ kɔ á bɛ toa-n wa.

Bɔ bɛ̀rɛbaa nɛ 22:1

Bɛ̀ ǹ nə́ wurumu dɛ tèlò-n wurumubaa ǹ bǎã nɛ, á gã, a gɛ̀-dòo bɔ banban.

Bɔ bɛ̀rɛbaa nɛ 22:2

Sɛnɛ, bɛ̀ sii lɛ na á yɛ wasa yii ni, bɛa gɛ̀-dòo bɔ tan. Bɛ̀ màn ba wurumu lɛ lon, a tá màn lɛ a dɛnaa sarɛɛ-n wa, a dinmaa lɛ nə n siɛ̃, a giɔ̀mɔ bɛa màn lɛ saraa.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Izayii 59:7

Ka gòã yii n fuu sii baraa zɛnaa ganaa. Ka nə n nanaɛ̃ woe yii tì-an mà kiɛ. Ka ǹ sii baraa zɛnaa dinsɔɔ̃ taasɛ. Ka bɛ boe bǎã mɛn tumaa nɛ, kakaarɛbaa laanka basaã nɛ.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:33

Ǹ bɛ́ san boe lɔn, n tá bɛ yɔrɔ doɛ̃. N tá boe la dɔn dinin n nə n miãn daraa baraa zɛnaa ganaa!

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Busii pɛ 1:9

A gɔ̀ lɛ n yii a mɔnaa ganaa. Sii mɛn bɛ́ kio, a n yiri kɔ bɛ li wa. A mɛnaa n gɔn tɔwaa baa. Min banban a tá a foo wɛɛ wa. Á pɛ: «Dɛnaa Lawa, ga maa nɔmaa ganaa. Á ke, maa zɔ́ɔ na a din pàã laakalɛɛ.»

Busii pɛ 4:14

Kanna kəni, maǹ nə n binbirin boe ka yii tere-a bɛ́ lɔn ziin la. Ǹ mɔnaan man mà lɛa, min kɔn doamaa bie a n gɔn da ǹ ganaa wa.

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Ezekieli 22:25

Kiwi lɛ a Lawa a boo gii-dalin nə́ kɔn ma boo-a. Ká yàra bɛ́ siĩ soɛ̃ lɔn, á n wɔɔsaa we la, ǹ dɔn man minin dii miɛ̃, ǹ nə́ ǹ wɔrɔ laanka ǹ gɔn mànan goɛ. Maǹ lɔ giɔɔrɔn gialaa ǹ mɔnɛɛ kiwi lɛ nɛ.

Ezekieli 23:45

Sɛnɛ, giĩn mɛnɛn bɛ́ pepere, bɛn tá re kiri we ǹ ganaa. Lɔn mɛnɛn bɛ́ kɔrɔbaa zɛnɛɛ ǹ nə́ gɛ̀ dii, ǹ tá re bɛn dɔlɔ kɛ tɔrɔ diɛ ǹ mìi ni. A giala, lɔ naarɛn manɛ, gɛ̀-dɛlen dɔn manɛ.

Ezekieli 24:7

A giala, a gɛ̀ mɛn dɛ, bɛa mà á tɔn tan kiwi lɛ nɛ. A na á mà lɛ kaa gɛ̀fu la tán kooro, á kaa tán kooro la, a tii kɔ lɛ wa.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»