Zeremii 2:25 - LAWA A BOO SONBORE 2011

²⁵ Izirayeli, yiri bɔ. N bɛ baa sii n dìn mɛnɛn kio ke, n tá re nɔmɛɛ, n bɔlɔ gɔ́ɔ̃ laa. Sɛnɛ, ń pɛ: «Sàabaa ba la wa, dì kɔsɔn man kɔɔ̃n ma ganaa. Man zoɛ̃ li ma wo ǹ kio.»

LAWA A BOO SONBORE

²⁵ Izirayeli, yiri bɔ. N bɛ baa sii n dìn mɛnɛn kio ke, n tá re nɔmɛɛ, n bɔlɔ gɔ́ɔ̃ laa. Sɛnɛ, ń pɛ: «Sàabaa ba la wa, dì kɔsɔn man kɔɔ̃n ma ganaa. Man zoɛ̃ li ma wo ǹ kio.»

Zeremii 2:25 ပူးပေါင်းရင်းမြစ်များ

KZS2 28:22

Bɛa koe kɛ lɛ din tumaa gɔ́ɔ̃ nɛ, kii Ahaazi n tɔn bɔlɔgoonbaãdɛnaa lɛa Dɛnaa Lawa yɔrɔ-a.

KZS2 28:23

A n wúlu mànan koe Damaasi minin dìn kɛn la, ǹ mɛnɛn lɛn dinin bɛ ǹ nə́ boo ǹ la. A n pii: «Siiriin kiin dìn bɛ́ n doe ǹ lɛ lɔn, ma dɔ n die wúlu màn koe ǹ la ń giɛ ǹ tá n doe ma dɔ lɛ.» Sɛnɛ bɛa dìn lɛn man bɔ̀n diɛ a din ganaa kɔnlɛ ka Izirayeli tumaa nɛ.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Izayii 57:10

Ma nə́ n tɔ wɔ á la yii ni, bɛ lɛ na á n nɔmaa. Sɛnɛ, n pɛ dɔn mà «kɛ là banban wa.» N pàã dii yɛ, n nə́ n nɔmaa lɛ sawaa nɛ.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 18:12

Sɛnɛ, ǹ tá re pii: «Wɔ laadoo bie wa. Wɔ golee sii mɛn li, wɔ n die bɛ lɛ zɛnɛɛ. Wɔ n koe wɔa taasiɛ bɔnɛɛn lɛn lɛ.»

Zeremii 2:31

Kasɛn pelo minin lɛn, ka yiri bɔ Dɛnaa Lawa a boon li. Man má n baa ka diə gole bɛ́ lɔn Izirayeli gɔn? Hinlaa ka gána mɛn bɛ́ wɔlɔ tì li duduu? Maa zaman, wàa na á baa ka n pii: «Bǎã mɛn bɛ́ kɔɔ̃n wɔ-a, wɔ ǹ woe walan. Wɔa wusii wɔ da n li doo wa.»

Zeremii 22:20

Zeruzalɛmu, dii Liban kelen la n nə n lɛ dɛ. Toa n lɛ-dɛ dɔ yǎa Basan a diə kɛ nɛ. N toa Abarimu a kelen la n nə n lɛ dɛ. A giala, n sanan tumaa papaã n ganaa.

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 44:17

Wɔ sii mɛn tumaa koa wɔ yɔrɔ-a, wɔ ǹ bɛ zɛnɛɛ. Wɔ ǹ da yon gìĩ kɔɔ̃n laanka duvɛ̃ zumii lon a kii lɔ wɔ lɛa. Bɛ ǹ wɔa zɛnaa ǹ sii lɛa haalɛ bibi, wɔ dinin ni, wɔ din ni, wɔa kiin ni ka wɔa gána nyɛɛnaandɛnan nɛ Zudaa kiwin ni ka Zeruzalɛmu ziin la ǹ nɛ. Bɛa biikoo li, màn-bii goã wɔ lon, là nyantoro ne, wɔ a koe doɛ̃ wa.

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 4:4

Nɛnyaan tiɛɛ̃n lɛwɔn nə́ damɛ a lɛ-n mu boro gɔn. Nɛnyaan bɔnboɛɛnən man màn-bii liɛ, sɛnɛ min kɔn ba màn koe ǹ la wa.

Ezekieli 20:32

Ka na a gialaa pii mà kasɛn man zoɛ̃ li ka n baa ka tɔrɔ kɔsɔn kɛn bɛ́ lɔn, ká gána kɔsɔn kɛn tanlɛ minin bɛ́ lɔn, ka dìn guguru kɔ, dìn mɛnɛn bɛ́ gɔn lɛa hinlaa kɔlɔ lɛa. Bɛa taasiɛ kɛ lɛ á wɔ ka yiri ni, a zɛnaa ba giala yii wa.

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Malakii 3:14

Ka boo mɛn da á ke: «Ká mà dí nya Lawa nɛ n kooro lɛa. Á ke, wɔa là n wàa nɛ ta wɔ n bɔlɔ si, wɔ foo ziziɛ̃ nsɛ Dɛnaa Lawa Pàãyiidɛnaa taman yii.

Luku 15:22

Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.»

Rɔmu minin 8:24

Foo-doa gɔ́ɔ̃ nɛ, wɔa kirisibaa lɛ lɛ pã gɔrɔ. Sɛnɛ, a lɛ n piɛ̃-n gɔrɔ foo-doa dinsɔɔ̃ gɔ́ɔ̃ nɛ. Min bɛ́ n yii diɛ màn mɛn a daa la, bɛ̀ a yii bɛ yɛ, a laadoo ba a ganaa a n foo doa doo, ka n pɛ mà bɛa màn lɛ n tɔn sɔsɔɔ wa. Die n màn yii a yii ni, a wusoo doo a n foo doa bɛ ganaa, ka n pɛ mà a wɔlɔ n sɔsɔɔ?

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.