Zeremii 2:21 - LAWA A BOO SONBORE 2011

²¹ Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

LAWA A BOO SONBORE

²¹ Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Zeremii 2:21 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Loen 105:6

Ka zɛnaa miɛ̃, kasɛn kɛn lɛn Lawa din a dí-nyali Abrahamu tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Loen 44:2

Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 80:8

Lawa Pàãyiidɛnaa, wusoo n barka wɔ wɔ nɛ, n wɔ kũ doɛ̃, wɔ á re kirisibiɛ.

Loen 80:9

N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Bɔ bɛ̀rɛbaa nɛ 15:17

N nə n die woe ǹ ne, n nə́ ǹ kaa kele kɛ la, kele mɛn lɛ bɛ́ n din wɔ lɛa. Dɛnaa, n din nə n bɛa bǎã kɛ lɛ zɛnaa, mà nsɛ n die giɛ̃ a nɛ, n nə n din guguru kɔ ǹ bǎã koa a nɛ.

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 27:2

Bɛa pinaa, ka loe lɔ duvɛ̃ kɔɔ̃n *rezɛ̃ da wuru kɛ wɔ lɛa.

Izayii 41:8

Nsɛ Izirayeli, maa dí-nyali, nsɛ Zakɔba, ma zaman mɛn yii gɔgɔɔ̃, ma n maa giaára Abrahamu tɔrɔ lɛa.

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 11:16

Má goã má tɔ kɔ a ganaa máa "*olivie da, luu tì, nɛ sonbore koe biikoo yii li". Sɛnɛ, bìn diɛ gole goon gɔ́ɔ̃ nɛ, ma tɛ da a luun ganaa, a gùrùn tumaa yiyiɛ.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 5:10

Ka dii kungɔn la ka *rezɛ̃ da kɛ ziziɛ̃. Sɛnɛ, ka nyan ziziɛ̃ lenlen wa. Ka a gùrùn kukuru, ǹ bie masɛ wɔn lɛa wa.

Busii pɛ 4:1

Wui! Sana lɛ a tɛ pii doo wa. Sana sonbore lɛ tɛ pɛ lɛ da. Lawa a kion a kɔlɔn kɛn, a n siɛ lɔn bɛn tá pɛsiɛ̃-n bǎã tumaa nɛ zii gialaa.

Ezekieli 15:2

«Minbuiin a nɛ, wàa mɛn nə nyɛɛ mà rezɛ̃ da kɛa gɔn tá soɛ gɔn gialakunun kɛn manɛ? Wàa mɛn nə nyɛɛ mà a gùrùn tá soɛ dan kɛn wɔ nɛ daã gòã li?

Matiə 21:33

Ka n too kɔ boo giməə kɔsɔ li. Giĩ goon na á wuru bɔ, á da nɛ-kɔle zumu a nɛ, a tɔ mà *rezɛ̃ da, á kungɔn dɔ, á ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa, á ǹ koa a li, á woo zii ni.

Marki 12:1

Bɛ kio, Yezu boo giməə da ǹ nɛ, á pɛ: – Giĩ goon na á wuru bɔ, á da nɛ-kɔle zumu a nɛ, a tɔ mà rezɛ̃, á kungɔn dɔ a ná a lɛnpɛnɛ nɛ, a ná a nɛ mu bɔɔ̃ ǹ yala fɔ̃, a ná a lɛduə̃lin kion dɔ. Bɛ kio, á dí-nyalin goa á ǹ kaa nɛ, á tɔ́n woo zii ni.

Luku 20:9

Bɛ kio, Yezu boo giməə kɛ da minbuiin lɛ nɛ á pɛ: – Giĩ goon na á da wuru bɔ, á kɔ dí-nyalin la mà ǹ ga a walan, bɛ̀ á nɛ kɔ, ǹ na a nɛ gii kɔn ka asɛ nɛ. Bɛ kio a din nə́ woo zii ni, á n die beleboe walan.

Zaã a sɛ́wɔ 15:1

Masɛ n *rezɛ̃ da nɛ-kɔle taãn-taãn lɛa, maa Díi n wuru lɛ a dɛnaa lɛa.

Timəə dí-pɛn 32:32

Wɔa zɔ́ɔn lɛn man ka Sodɔmu minin kɛn bɛ́ lɔn, maǹ ka Gomɔɔrɔ minin kɛn bɛ́ lɔn. Ǹ zɛnaa ǹ sii lɛ n ka sèwò bɛ́ lɔn, ǹ nya ǹ dí lɛ n kɔɔsɛ.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Zozoe 24:31

A Zozoe yii toa koo, Izirayeli minin lɛn nə́ dí nya Dɛnaa Lawa nɛ. Min golen mɛnɛn nə goã a kio, bɛn nə́ Dɛnaa Lawa a nya ǹ dín lɛn tumaa yɛ Izirayeli minin wɔ paǹ li. A bɛn dɔn yii toa koo, Izirayeli minin lɛn nə́ dí nya Dɛnaa Lawa nɛ.