Zeremii 2:19 - LAWA A BOO SONBORE 2011

¹⁹ N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

LAWA A BOO SONBORE

¹⁹ N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 2:19 ပူးပေါင်းရင်းမြစ်များ

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

KZS2 12:5

Bɛ lɛ nɛ, Lawa a boo gii-dali Semayia woo Roboamu laanka Zudaa a kiãn li, ǹ mɛnɛn nə n sɔkɔn Zeruzalɛmu, a giala Sisaaki wɔlɔ kunu kɔ. Semayia tɔ́n Dɛnaa Lawa a boo kɛ da ǹ nɛ á pɛ: «Ká n la bɔ ma ganaa, masɛ Dɛnaa Lawa. Á bǐɛ̃ kɔ. Masɛ dɔ nə n la boe ka-a Sisaaki gɔn.»

KZS2 21:10

Sɛnɛ, Edɔmu zaman lɛ nə́ n gòãn dii Zudaa gána. A n tɔn miɛ̃ a da pelo yaa. A din biikoo goon lɛ nɛ, Libnaa kiwi nə́ n piã Zoraamu a pàã nɛ, a giala, a na á Dɛnaa Lawa, ǹ digolon Lawa toa walan.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

Loen 36:1

Loe-saalin goledɛnaa loe mɛn lɔ. Dɛnaa Lawa a dí-nyali Davida a loe.

Bɔ bɛ̀rɛbaa nɛ 33:6

Izirayeli nɛnyaanan lɛn nə yoo lɔn, ǹ nə́ n bɔ Orɛbu kele kɛ li, ǹ nə́ ǹ nyaǹ bɔ ǹ mànan wɔ toa.

Suusun 1:31

Kaa giã ǹ gɔn lɛ a siin man die kuĩ ka dinin mìi ni. Kaa sii yɔrɔ bɔn kɛn, ǹ tìĩ á re boe ka nyin ni kusikusi.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Izayii 5:5

Sisia, ma bɛ́ re màn mɛn zɛnɛɛ maa rezɛ̃ wuru lɛ nɛ, bɛ á ke: Gɔ̀rɔ mɛn bɛ́ a lɛnpɛnɛ, man die bɛ wurii ma bɔ a ganaa, tɔɔn nə sɔ̃. Kungɔn mɛn bɛa lɛnpɛnɛ, man die yala boe bɛ́ ganaa, kiɛ̃ wolen nə tɔtɔrɔ.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 13:22

Bɛa biikoo li, n tá re nɔ̀n diɛ n din la mà wàa na á baa kɛ á n yii. Sonbore, bɛ̀ ǹ nə́ n mɔnaa goa lon, bɛ̀ ǹ nə́ n kũ ka pàã nɛ, n din a sii baraa damata lɛ a lɛa nɛ.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 3:22

Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 4:18

Zeruzalɛmu, n giã ǹ gɔn laanka n zɛnaa ǹ siin taman yii ni kɛ á n yii. N baraabaa lɛ a saraa nɛ. Hiĩ, n koe lɛ á kɔɔsɛ taãn-taãnɛ. A na á n kũ n foo ganaa.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Zeremii 5:24

Ka a pii dɔn dinin: «Ka daa wɔ nyɛ́ɛ baa Dɛnaa Lawa, wɔa Lawa yii-n wa, asɛ mɛn bɛ́ la mu koe wɔ la a biikoo li, a bibinaa laanka a nyɔɔbaa. Lɛ̀ woo lɛ̀, a n lɛawaan boe koɛ wɔ nɛ kaa-piɛ wɔ lɛa.»

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 7:19

«Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ezekieli 23:30

A giala, ma n nə́ n saa tɔrɔ kɔsɔn li ń kɔrɔbaa zɛnaa, ń nə́ ǹ dìn guguru kɔ, ń nə́ n din gɔgɔrɛ kɔ nɛ.

Ezekieli 39:24

Bɛ̀ ń yaa má n yɔrɔ bɔyaa má bɔ ǹ la, ǹ gɔgɔrɛbaa ǹ siin lɛn laanka ǹ piã ǹ siin lɛn manɛ má ǹ kũ li.»

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 13:9

Izirayeli, n wɔ ziziɛ̃, ma dinsɔɔ̃ n boe la ma da n gú ganaa.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Ozee 5:5

Izirayeli tɔrɔn din gole kɔ kɛ lɛ n toɛ min nə ǹ dɔ̃. Izirayeli tɔrɔn laanka Efrayimu minin kɛn tá re kiɛ, ǹ sii kɔkɔrɔ zɛnaa taman yii. Zudaa minin kɛn dɔn dinin tá re talɛɛ kunun ǹ ni.

Ozee 7:2

Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Rɔmu minin 3:18

Ǹ ba nyɛ́ɛ biɛ Lawa-n dinin boɛɛnɛ wa.»

Sii yɔrɔ-bɔlen 10:13

Sɛnɛ, ka bɛ́ ka masɛ toa walan, ka dí nya lawa kɔsɔn manɛ, bɛ lɛ na á toa, ma a re wusii ma ka kirisibaa doo wa.