Zeremii 2:15 - LAWA A BOO SONBORE 2011

¹⁵ Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

LAWA A BOO SONBORE

¹⁵ Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 2:15 ပူးပေါင်းရင်းမြစ်များ

Zɔbu 4:10

Min baraan lɛn man ka yàran bɛ́ lɔn wɔɔsaa we, sɛnɛ, Lawa nə́ ǹ wɔɔsaa-wɔ nya, á yàra nɛn sɔn yiyiɛ.

Loen 57:4

Ma na a nyankoe, máa a n toa lon a ma kirisibaa. Máa a die a sìi da ma nɔmaa-wɔle lɛ ganaa. *Doa Máa Lawa die a na a kɔn-narɛɛ gole kɛ nyaa ma nɛ, ka a bǐɛ̃ duduu kɛ dɔ nɛ. Doa

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 24:1

Á ke, Dɛnaa Lawa n basaã koe tán nɛ a n ziziɛ̃. Á tán lɔlɔkɔn, a na a zaman pɛsɛ̃ bǎã tumaa nɛ.

Izayii 5:29

Yàran bɛ́ wɔɔsaa we lɔn ǹ sɔraasin man wɔɔsaa we miɛ̃. Maǹ lɛ biɛ ka yàra nɛn bɛ́ lɔn. Maǹ gini ka don màn nə́ ke, á màn kũ lɔn, á woe ne, min kɔn ná a doe-n dɔn a si la wa.

Izayii 5:9

«Ma liɛ ǹ boo mɛn ma Dɛnaa Lawa Pàãyiidɛnaa lɛ-n, bɛ á ke: Kion dadara sonbore gigiã tá re kɛbɔlɔ biɛ, min kɔn ba re giɛ̃ ǹ nɛ wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 10:22

Ka n too kɔ màn wuu kɛ-a die. Sii lɔlɔkɔn gole ne boe gɔsɛ a lɛ̀gɔn la. A n die Zudaa kiwin biɛ kɛbɔlɔ lɛa, tolokan susu ǹ bǎã lɛa.

Zeremii 25:30

Dɛnaa Lawa pɛ ma-n doo: Maa boo kɛ da ǹ nɛ, n pɛ kɛnɛn: Dɛnaa Lawa nə n toɛ lon wɔɔsaa we. A kion mɛn bɔ á koa a wɔ lɛa, a nə n toɛ walan n lɛn siɛ lon. A din a bǎã ke, a n paraa we bɛ li. A n paraa we gána lɛ a min tumaa li, ka rezɛ̃ tɔrɛɛ wolen bɛ́ n lɛ dii lɔn.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 26:9

A n siɛ lɔn n tá pii ka Dɛnaa Lawa tɔ nɛ mà Lawa a kion kɛ n die n ziziɛ̃ ka Siiloo wɔ kɛ bɛ́ lɔn! Mà Zeruzalɛmu n die bɔ̀n biɛ, ǹ na a zaman goa ǹ bɔ a nɛ.» Min mɛn tumaa goã Lawa a kion lɛ nɛ, ǹ tumaa yoo Zeremii gialaa.

Zeremii 33:10

Dɛnaa Lawa n kɛ pii: – Kasɛn Zudaa minin, ka ǹ pii: «Gána lɛ n diə lɛa, minbuiin nɛn ba a-n wa, tɔɔn ba a-n wa. Sonbore ne, Zudaa laanka Zeruzalɛmu, kaa kiwin lɛn kooromaa nɛ. Min goon din ba kaa ziin la wa. Haalɛ tɔɔ din.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 51:38

Sisia, a zaman tumaa n ka yàran bɛ́ lɔn lɛ biɛ. Maǹ lɛ biɛ ka gòon màn bɛ́ lɔn.

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Ezekieli 36:3

A bɛ́ miɛ̃, maa boo gii da, n pɛ Izirayeli minin lɛn manɛ, mà masɛ Dɛnaa Lawa n kɛ pii: Ǹ tá ka gialaa bǎã tumaa nɛ, ǹ nə́ ka ziziɛ̃. Ká tɔrɔ kɔsɔn tumaa wɔ baa. Maǹ nə n lɛ we ka ganaa, ǹ nə́ ka diɛ yaa lɛa tɔrɔn bii.

Ezekieli 5:14

Man die Zeruzalɛmu kiwi lɛ bɔ̀n biɛ. Tɔrɔ kɔsɔn mɛnɛn bɛ́ a lɛnpɛnɛ, a yɛ á re sìi diɛ bɛn ganaa kun ka kiɛ̃ wolen kɛn tumaa nɛ.

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Amɔɔsi 3:12

Dɛnaa Lawa na á pɛ: Bɛ̀ yàra tɔɔn-lɛduə̃li a tɔɔ kũ, ta a na á sɔ̃ á toa a gòã paa kɛ li hinlaa a too lɛkoro li, a n bɛ lɛ baɛ̃, a bɔ a lɛ-a. Izirayeli minin mɛnɛn bɛ́ giã-n Samarii kiwi, giã ǹ bǎã sonboren ne, ma dɔ n die bɛn lɛn gialakun boɛɛn sii, ǹ zɔ́ɔn la miɛ̃.

Amɔɔsi 3:4

Bɛ̀ ń yàra yaa wɔɔsaa we daã nɛ, màn na a lɛ-a. Bɛ̀ ń yàra ten yaa n toɛ a waa ǹ bǎã nɛ a ń lɛ biɛ, a na á màn kũ.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Nahumu 2:11

Ǹ ná a tumaa koã, ǹ nə́ yu, ǹ nə́ yɔyɔrɛ. Minin foo ziziɛ̃, ǹ gòãn nə́ gã, ǹ gɔ̀nɔn nə bìn diɛ, ǹ yɔrɔ ziziɛ̃.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Sofonii 3:6

Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Zakarii 11:3

Ka n too kɔ tɔrɔn tɔɔn-lɛduə̃lin kɛn lon gini. A giala, ǹ pàã nya. Ka n too kɔ yàra nɛ tenən lɛ-baa li. A giala, Zurdɛ̃ tà lɛ a bǎã sonbore lɛ ziziɛ̃.

Sii yɔrɔ-bɔlen 14:5

Sansɔn yoo kun ka ǹ di laanka ǹ dan nɛ, ǹ nə́ woo Timnaa kiwi. Ǹ bɛ́ re doe Timnaa *rezɛ̃ da wurun kɛn li, bɛ̀ yàra ten bɛ́ die a ganaa, á n wɔɔsaa we.