Zeremii 2:13 - LAWA A BOO SONBORE 2011

¹³ Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

LAWA A BOO SONBORE

¹³ Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:13 ပူးပေါင်းရင်းမြစ်များ

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

Loen 36:9

Maǹ nə́ ǹ dinin bundara piɛ̃, ka n kion a màn-bii gigiã nɛ. N sonborebaa kɛ n goon ka tà nɛ, n nə́ ǹ goe mu-n walan.

Boo-laakalaali 1:14

Dí mɛn tumaa bɛ́ n nyɛɛ kanaa, má a yii yɛ. Sɛnɛ, á ke bɛ kɔn giala banban, a n ka min nə piɛ̃ lui.

Boo-laakalaali 1:2

A na á pɛ kɛnɛn: A giala din na a banban. Sii woo sii, a giala din na a banban.

Boo-laakalaali 12:8

Sii-dɔ̃li lɛ na á pɛ mà: a giala din na a banban, sii woo sii, a giala din na a banban.

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:21

A giala min nə ke, á ná a dí nya, ka sii-doɛ̃ nɛ, ka doɛ̃ nɛ, á bǐɛ̃ kɔ: a màn mɛn yɛ, bɛ yoo a dɔ min kɔsɔ-a. A da yaa bɛa dɛnaa kɛ lɛ gɔn goã dí lɛ-n wa. Bɛ dɔ giala banban, a n foo busi a tɔ-a.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 12:3

Ka á re mu sii ka foo kɔɔ̃nbaa nɛ kirisibaa ǹ mu yalan lɛ-a.

Izayii 5:13

Bɛ lɛ nɛ, Dɛnaa Lawa á kɛ pii: «Ǹ tá re maa zaman goɛ, ǹ wo ne bɛ̀rɛbaa ǹ bǎã nɛ, a giala, ǹ ba màn kɔn giala miɛ wa. Bòo tá re ǹ min dadaran dii, mu boro nə ǹ zaman dɛ.»

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 14:3

Kiãn manə ǹ dí-nyalin diɛ woe giɛ mu li. Ǹ nə́ dɔ tùn lɛ-a, sɛnɛ, mu banban. Maǹ nə n bɔyɛɛ ǹ lon kooromaa. Ǹ foo ziziɛ̃, ǹ yɔrɔ kɔsɛ, ǹ nə́ n mìi kuməə.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 18:14

*Mu nyuù-wɔle bie koe ne Liban a kele gɛ̀fun kɛn lɛ duduu wa? Mu nyantoto ke baa sii gɛ̀fu la boe bǎã sɔsɔɔ nɛ, bɛ á boe la a golee? Haayii!

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:11

Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:26

Sɛnɛ, kasɛn Izirayeli minin, kaa zaman nɛ, kaa kiin laanka kaa gána nyɛɛnaandɛnan nɛ, kaa Lawa a wúlu-bɔlen laanka kaa Lawa a dia dí-a wolen ne, sìi n die n koe ka lɛ, ka wurumu wɔ bɛ́ lɔn, bɛ̀ ǹ nə́ tɔwaa.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:26

A giala, min baraan tá maa zaman lɛ bii. Ka dɔ-dɔli bɛ́ lɔn, manə n duri, ń yii diɛ. Maǹ nə́ kan kɔ ǹ tá minbuiinin kuĩ ni.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Ezekieli 47:1

Bɛ kio, giĩ lɛ wusoo á daa ka ma nɛ Lawa a kion lɛ a wɔ ǹ kiɛnlɛ kɛ lɛ-a. Ma bɛ́ giɛ, bɛ̀ mu á ke soe Lawa a kion lɛ a kiɛnlɛ giulun, lɛ̀giala gɔn la. A giala, kion lɛ yɔrɔ na á goã dia-n lɛ̀giala la. Mu lɛ na á goã baa sii woe kion lɛ a gusin a lɛ̀gɔn la, á n kiɛ̃ *wúlu bɔ ǹ bǎã kɛa gusin a lɛ̀gɔn la.

Misee 2:8

Lɛlɛ doo, ka dinin man ka goã masɛ a zaman kɛa zɔ́ɔ lɛa. Ma min mɛnɛn lɛn si zia la, ǹ nə́ kiɛ̃ woe piɛ ǹ foo n tã, ka n ká goã we bɛn lɛ, bɛ̀ ka ǹ dɔnkɛ gole sɔlɔ, ka bɔ a boɛɛn lalan.

Misee 6:3

Maa minin, man má wàa la ka la? Fuu mɛn tɔrɔ n má da ka mìi ni? Ka bɛ pɛ masɛ nɛ.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:11

Lɔ lɛ tɔ́n pɛ Yezu ni: «Dɛnaa, biɛ ba ma gɔn wa, tù lɛ dɔ n zuzulu; ma n die boe ka bɛa yiikoonaabaa ǹ mu lɛ-n maa?

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii yɔrɔ-bɔlen 10:13

Sɛnɛ, ka bɛ́ ka masɛ toa walan, ka dí nya lawa kɔsɔn manɛ, bɛ lɛ na á toa, ma a re wusii ma ka kirisibaa doo wa.

Samayeli1 12:10

Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»