Zeremii 19:7 - LAWA A BOO SONBORE 2011

⁷ Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

LAWA A BOO SONBORE

⁷ Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 19:7 ပူးပေါင်းရင်းမြစ်များ

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 29:14

Bɛ lɛ nɛ, á ke, man die kaãbaa ǹ siin zɛnɛɛ, ma maa zaman tɔwaa nɛ. Ta ǹ tá sii-dɔ̃lin lɛa, ǹ ba re màn kɔn giala miɛ ǹ nɛ wa. Ta ǹ tá yiridɛnan lɛa, ǹ doɛ̃ wolen ba re boe la ǹ sii kɔn giala pɛ wa.»

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 15:9

Lɔ mɛn nɛ sɔbaa yɛ, nɔmaa n die bɛ yii, a fɔfoã golee. Penleen tá re tèlò biɛ a ganaa. Sìi nə́ n kɔ lɛ. A yii gugurubaa papaã. Min mɛnɛn yii goã koo, ma á re bɛn dii zia la, ǹ zɔ́ɔn yɔrɔ-a. Dɛnaa Lawa a da ǹ boo ne.

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 22:19

Maǹ die biĩ ka gin bɛ́ lɔn, ǹ giɛɛraa furu-n, ǹ zũ sɔsɔɔ Zeruzalɛmu kiɛnlɛn ganaa!

Zeremii 22:25

Min mɛnɛn bɛ́ giɛ n gɛ̀ li, ǹ nə́ n gɔ̀nɔn diɛ bìn diɛ ganaa, ma á re n we bɛn gɔn. Bɛ n ka Baabiloniin kii Nebukadenezɔɔrɔ nɛ, ka a sɔraasin ni.

Zeremii 32:28

Bɛ lɛ nɛ, masɛ Dɛnaa Lawa á kɛ pii: «Man die Zeruzalɛmu we Baabilonii minin gɔn ka ǹ kii Nebukadenezɔɔrɔ nɛ, ǹ kũ.

Zeremii 34:20

Man die ǹ we ǹ zɔ́ɔn gɔn, ka min mɛnɛn bɛ́ zoɛ̃ ǹ gɛ̀ li. Ǹ siĩ á re zèwon laanka tolokan màn-bii biɛ.

Zeremii 46:26

Min mɛnɛn bɛ́ giɛ ǹ gɛ̀ li, man die ǹ we bɛn gɔn: Baabiloniin kii Nebukadenezɔɔrɔ nɛ ka a sɔraasin ni. Sɛnɛ bɛ kio, minin tá re wusii ǹ giã Ezipti gána nɛ ka lɛlɛ ǹ bɛ́ lɔn.» Dɛnaa Lawa a da ǹ boo ne.

Zeremii 7:33

Bɛa geren lɛn tá re zèwon laanka tolokan màn-bii biɛ, min kɔn dɔ a re ǹ lui wa.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Zeremii 8:8

A n siɛ lɔn ka á pii: «Wɔ n sii-dɔ̃len lɛa, Dɛnaa Lawa a dí-pɛ lɛ n wɔ dinin gɔn.» Sonbore, sɛ́wɔ-kiɛ̃lin lɛn man soɛ-bɔlen lɛa, maǹ dí-pɛ ǹ boon lɛn kɔkɔrɔ koe.

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Rɔmu minin 4:14

Min mɛnɛn bɛ́ giɛ ǹ dinin ganaa Lawa a dí-pɛn bɔlɔ-silin lɛa, bɛ̀ Lawa a lɛ kɔ ǹ siin lɛn man bɛn dininsɔɔ̃nɔn wɔn lɛa, bɛ̀ Lawa din nə wusii á barka boe golee Lawa li ni, á n pàã boe a din a lɛ kɔ ǹ boon ne.

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.