Zeremii 18:8 - LAWA A BOO SONBORE 2011

⁸ Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

LAWA A BOO SONBORE

⁸ Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 18:8 ပူးပေါင်းရင်းမြစ်များ

KZS2 12:6

Izirayeli kiãn laanka kii nə n dinin gisĩ, ǹ nə́ pɛ: «Sonbore a Dɛnaa Lawa lon!»

Loen 106:45

Á n yiri koa a din a lɛ kɔ kɔn la kɛ lɛ nɛ, á doa kɔn-a ǹ nɛ. A kɔn-narɛɛ gole gole kɛ taman yii, á wusoo a busii lɛ kio.

Loen 135:14

A giala, Dɛnaa Lawa din tá re a minin sii yɔrɔ boe, min mɛnɛn bɛ́ dí nyɛɛ nɛ, á re makara boe bɛn-a.

Loen 90:13

Dɛnaa Lawa, sabara baa n si n ganaa! N foo n die basɛ̃ biĩ? N din a dí-nyalin man wɔsɛn nɛ, bǐɛ̃ kɔ, n nə n yɔrɔ bǐɛ̃ da wɔ la.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Bɔ bɛ̀rɛbaa nɛ 32:14

Dɛnaa bɛ́ á goã mà a n die baraa mɛn zɛnɛɛ a din a zaman kɛ nɛ, á wusoo bɛ kio.

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 26:13

Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.

Zeremii 26:19

Kii Ezekiasi laanka Zudaa minin nə Lawa a boo gii-dali Misee dɛ bɛa boon lɛn taman yii? Haayii! Maǹ nə́ nyɛ́ɛ baa Dɛnaa Lawa yii ni, ǹ ná a nyankɔ. Dɛnaa Lawa goã á dɔlɔ mɛn boo da, a ná a taasiɛn bɔyaa, a da ka bɛ nɛ ǹ ganaa doo wa. Sɛnɛ, wɔsɛn, bɛ̀ wɔ dɔlɔ bɔ giĩ kɛ ganaa, wɔ n sii baraa zɛnɛɛ wɔ dinin manɛ.

Zeremii 26:3

Kɔntan, ǹ tá re n too koe n lon, ǹ nə n gɔn bɔ ǹ giã ǹ gɔn baraa kɛ nɛ, ka bɛ-n kəni, ma goã máa ma á re dɔlɔ mɛn boe ǹ ganaa, ma á re wusii bɛ kio.

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 42:10

«Bɛ̀ ka lɛ kɔ ka giã gána lɛ nɛ, ma á re kaa gána lɛ doe ma a re ziziɛ̃ doo wa. Ma á re ka zumi, ma a re ka woɛ̃ doo wa, Ma baraa mɛn zɛnaa ka nɛ, ma á re n gɔ́ɔ̃ dɔn bii ka bɛ nɛ.

Ezekieli 18:21

Sɛnɛ, bɛ̀ min baraa wusoo a sii baraan tumaa kio, á maa landa siin kɛn tumaa tamaa, bɛ̀ á kɔ zii lɛ á sii pepere zɛnaa, sàabaa ba la wa, a yii á re goɛ̃ koo, a re giɛ̃ wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 33:12

Nsɛ minbuiin a nɛ, wusoo n pɛ ma tɔrɔ minin lɛn manɛ kɛnɛn: «Bɛ̀ min pepere nə́ n bɔyaa á sii baraa zɛnaa ǹ mɛn pinaa, a sii pepere mɛn zɛnaa lɛlɛ, bɛa boe a-n bɛa pinaa kɛ lɛ-n wa. Bɛ min baraa dɔ́ wusoo a baraa baa kio ǹ mɛn pinaa, a baraa baa ǹ sii mɛn zɛnaa lɛlɛ, bɛ bie re toɛ a bɔ̀n baa bɛa pinaa wa. Sɛnɛ bɛ̀ min pepere sii baraa zɛnaa ǹ mɛn pinaa, a lɛlɛ a peperebaa kɛ a boe la a si a da wa.»

Ezekieli 33:13

Sɛnɛ, bɛ̀ má pɛ min pepere ne, máa sàabaa ba la wa, máa a yii á re goɛ̃ koo, bɛ̀ á n foo doa a lɛlɛ a peperebaa kɛ la yǎa a sii baraa zɛnaa, a sii peperen kɛn lɛn á ǹ zɛnaa, ǹ goon din là banban. A sii baraa mɛn zɛnaa, a n die giɛ̃ bɛ lɛ taman yii.

Ezekieli 33:14

Sɛnɛ bɛ̀ má kɛ pɛ min baraa nɛ: «Sàabaa ba la wa, ń tá re giɛ̃, bɛ̀ á wusoo a sii baraa kio, á sii zɛnaa a zii li pepere, a yii á re goɛ̃ koo.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.