Zeremii 18:23 - LAWA A BOO SONBORE 2011

²³ Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

LAWA A BOO SONBORE

²³ Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 18:23 ပူးပေါင်းရင်းမြစ်များ

Loen 119:126

Dɛnaa Lawa, biikoo dɔ, n din sii zɛnaa. Ǹ nə́ n landa lɛ ziziɛ̃.

Loen 35:4

Min mɛnɛn bɛ́ giɛ li ǹ ma nyin bɔ, sìi da ǹ ganaa, n zín bɔ ǹ nɛ. Min mɛnɛn bɛ́ giɛ li ǹ bɔ̀n da ma ganaa, toa sìi bɛn kũ, ǹ wusoo ka ǹ kio ne.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 59:5

Ma sii kɔkɔrɔ kɔn zɛnaa wa. Sɛnɛ, maǹ baa sii n naɛ, ǹ nə́ kuu koe ma ganaa. Yoo n nə n dɔ ma lɛ, n da ma lɛ n ga dɛ!

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 2:9

Sìi á re minbuiin nɛ kuĩ, minbuiin nɛ tumaa á re n mìi kumii. N nyan nə ǹ saa n nə ǹ da lon wa Dɛnaa Lawa!

Zeremii 11:23

Ma bɛ́ re yui Anaatɔti minin gialaa lɛ̀ mɛn-a, ma koe da ǹ mìi ni, min kɔn ba re goɛ̃ a yii n koo wa.»

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 17:4

Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 26:11

Lawa a wúlu-bɔlen laanka Lawa a boo gii-dalin lɛn nə́ tɔn kɛ pɛ gána nyɛɛnaandɛnan lɛn manɛ ka zaman lɛ tumaa nɛ: «Giĩ kɛ doamaa-n ka gɛ̀ nɛ. A giala, a na á boo da Zeruzalɛmu ganaa. Ka dinin too bɛ́ á ma!»

Zeremii 26:8

Zeremii bɛ́ á Lawa a boo lɛ da zaman tumaa nɛ á nya, Lawa a wúlu-bɔlen ne, Lawa a boo gii-dalin ni ka zaman lɛ nɛ, ǹ nə́ Zeremii kũ, ǹ nə́ pii ni: «N doamaa-n ka gɛ̀ nɛ!

Zeremii 37:15

Ǹ foo goã yoo-n Lawa a boo gii-dali Zeremii li parsiini, yǎa ǹ nə́ dɛdɛ. Ǹ nə́ tɔn a lɛ tã sɛ́wɔ-kiɛ̃li Zonaatan a kion kɛ nɛ ǹ nə́ bɔyaa ǹ nə́ baa kòso kion lɛa.

Zeremii 38:4

Bɛ kio, gána nyɛɛnaandɛnan nə́ pɛ kii Sedekiasi ni: «Zeremii dɛ a gã. A bɛ́ boo mɛn diɛ, bɛ n sɔraasin foo ziziɛ̃, ka zaman kɛ nɛ kiwi. A bie giɛ zaman lɛ a bǐɛ̃ li wa, a n giɛ a koe li.»

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 6:21

Dɛnaa Lawa bɛ́ boo mɛn diɛ, á ke: Man die màn koɛ tán zaman kɛ nyɛɛnɛ, a ǹ bɔ a ǹ kaa. Ǹ tumaa á re giɛ̃ kun, díin laanka nɛnyaanan nɛ, miãkɛn laanka giaáran nɛ.

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Busii pɛ 3:60

Ǹ gɛ̀ dòo bɔ ma ganaa ka yɔrɔ mɛn nɛ, ǹ siin mɛnɛn wɔ kɔn ma ganaa, ń nə́ ǹ yɛ.

Busii pɛ 3:61

Dɛnaa Lawa, ń nə́ ǹ sɔ kɔ kɛ ma ka ǹ bɛ́ siin mɛnɛn we kɔn ma ganaa.

Luku 21:22

A giala, bɛa biikoo lɛ n die goɛ̃ Lawa a gɛ̀ dòo bɔ ǹ lɛawaan lɛa. Màn mɛn tumaa nə n kiɛ̃ sɛ́wɔ nɛ, bɛ doamaa nɛ a n zɛnaa bɛa lɛawaan kɛn lɛn nɛ.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.