Zeremii 18:15 - LAWA A BOO SONBORE 2011

¹⁵ A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

LAWA A BOO SONBORE

¹⁵ A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 18:15 ပူးပေါင်းရင်းမြစ်များ

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Izayii 3:12

Dɛnaa Lawa n pii: «Maa zaman, min mɛnɛn bɛ́ n nɔmɛɛ, nɛnyaanan manɛ. Ǹ mìilandɛnan man lɔn lɛa. Ee, maa zaman, min mɛnɛn bɛ́ n nyɛɛnaan boe, bɛn manə n yiri siɛ̃. Maǹ nə n diɛ zii baraa la.»

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 57:14

Dɛnaa Lawa pɛ: Ka zii zɛnaa fufuu, ka zii bɔ. Màn mɛn tumaa bɛ́ min nə boe la a n gòã na a ganaa, ka bɛ bɔ ka bɔ maa zaman a zii la.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 11:12

Zudaa kiwin laanka Zeruzalɛmu minin tá re ǹ lawan bíi kəni, ǹ goã da yon gìĩ kɔɔ̃n tiɛ̃ ǹ mɛnɛn lɛn wɔ lɛa. Sɛnɛ, koe pinaa, bɛa lawan lɛn ba re boe la ǹ nə ǹ kirisibaa wa.

Zeremii 11:13

Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃. Zeruzalɛmu a ziin bɛ mɔnaa-n lɔn kaa wúlu bɔ ǹ bǎãn kɛn sìi diɛ, bɛn dɔn man mɔnaa-n miɛ̃, kɛn lɛn ka n da yon gìĩ kɔɔ̃n tiɛ̃ ǹ ganaa dì *Baali wɔ lɛa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 13:25

Dɛnaa Lawa a da ǹ boo á ke: Zeruzalɛmu, sii mɛn bɛ́ re n yii, ma sii mɛn yɔrɔ bɔ n wɔ lɛa, bɛ á ke. A giala, n yiri bɔ ka ma nɛ ń nə n foo doa lawa kooron ganaa.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 18:14

*Mu nyuù-wɔle bie koe ne Liban a kele gɛ̀fun kɛn lɛ duduu wa? Mu nyantoto ke baa sii gɛ̀fu la boe bǎã sɔsɔɔ nɛ, bɛ á boe la a golee? Haayii!

Zeremii 19:5

Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 3:21

Lɛ-dɛ n boe kele mìi ni, Izirayeli minin manɛ. Maǹ wuu pii ǹ nə́ gú diɛ. A giala, maǹ nə́ zii baraa saa, ǹ yiri bɔ ka Dɛnaa Lawa, ǹ Lawa nɛ.

Zeremii 44:25

Dɛnaa Lawa Pàãyiidɛnaa Izirayeli a Lawa n kɛ pii: «Ka laanka kaa lɔn man ka pɛ kɛnɛn: Wɔ n lɛ kɔ wáa wɔ á re da yon gìĩ kɔɔ̃n laanka duvɛ̃ zumii lon a kii lɔ la. Wɔ ǹ li wɔ wɔa lɛ-kɔ lɛ pã.» Ka bɛ́ li lɔn ka zɛnaa miɛ̃, ka kaa lɛ-kɔn lɛ pã!

Zeremii 51:18

Ǹ ba màn kɔn lɛa wa. Maǹ yaa dinsɔɔ̃ diɛ. Dɛnaa Lawa bɛ́ re yui ǹ gialaa ǹ mɛn pinaa, ǹ tá re papaɛ̃.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Zeremii 7:9

Ka ǹ wurumu biɛ, ka n gɛ̀ dii, ka n naarɛbaa zɛnɛɛ, ka nə n liɛ soɛ la, ka n da yon gìĩ kɔɔ̃n koe *Baali la, ka bɛ kaa lawa tiin mɛnɛn doɛ̃ wa ka n koe bɛn lɛ.

Ezekieli 21:15

A lɛ na á n lɔ minin bɔlɔ-kurii taman yii, a gɔ̀nɔn na á n zɔnɔ, tɛ pii taman yii.

Ezekieli 36:15

Tɔrɔ kɔsɔn bɛ́ ka diɛ yaa lɛa, ǹ nə́ sɔ mɛn kiɛ ka la, ka too a re bɛ miɛ doo wa. Gána lɛ a re a minin dii doo wa. Ma din Dɛnaa Lawa a da ǹ boo ne.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 2:6

A nɛnyaanan kɛn, ma a re makara boe ǹ ganaa wa, a giala, a na á ǹ yɛ kɔrɔbaa gɔ́ɔ̃ nɛ.

Malakii 2:8

Sɛnɛ kasɛn Lawa a wúlu bɔlen, ká kanaa ká n bɔ bɛa zii lɛ la. Kaa daraa ǹ boon nə́ min gigiã da sii baraa zɛnaa ganaa, lɛ kɔ kɔn la mɛn bɛ́ wɔ́ wɔ, ká bɛ ziziɛ̃, masɛ Dɛnaa Lawa Pàãyiidɛnaa n pii ka nɛ.

Matiə 15:6

bɛa dɛnaa kɛ laadoo ba a ganaa doo, a ǹ di guguru kɔ ka màn nɛ wa. Ka ǹ Lawa a boo sàabiɛ kɛnɛn lɛn ka dinin landan lɛa!

Rɔmu minin 14:21

Sii mɛn bɛ́ siĩni, bɛ n ka kɛ nɛ, ta siĩ soɛ̃ nɛ, ta màn mii ni, ta sii woo sii ni, bɛ̀ bɛa sii lɛ á die n dɔɔ̃n diɛ sii baraa nɛ, n baran zɛnaa wa.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.