Zeremii 17:25 - LAWA A BOO SONBORE 2011

²⁵ Ka bɛ nɛ, kiin laanka ǹ gána mìilandɛnan mɛnɛn bɛ́ giã-n Davida a kii dankan la, ǹ nə́ dii sùi hinlaa ziabaa ǹ wotoro la, bɛn tá re boe ka bɛa kiɛnlɛn lɛn nɛ duduu. Ǹ gána nyɛɛnaandɛnan nɛ, Zudaa minin ni, ka Zeruzalɛmu minin ni, bɛn man die boe ka walan nɛ. Minin man die goɛ̃ bɛa kiwi lɛ nɛ yǎa duduu.

LAWA A BOO SONBORE

²⁵ Ka bɛ nɛ, kiin laanka ǹ gána mìilandɛnan mɛnɛn bɛ́ giã-n Davida a kii dankan la, ǹ nə́ dii sùi hinlaa ziabaa ǹ wotoro la, bɛn tá re boe ka bɛa kiɛnlɛn lɛn nɛ duduu. Ǹ gána nyɛɛnaandɛnan nɛ, Zudaa minin ni, ka Zeruzalɛmu minin ni, bɛn man die boe ka walan nɛ. Minin man die goɛ̃ bɛa kiwi lɛ nɛ yǎa duduu.

Zeremii 17:25 ပူးပေါင်းရင်းမြစ်များ

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Samayeli2 8:4

Davida na á sùi-dabaalin lɛn duu goon ka biɛsɔbaa (1 700) kũ. A zia-baalin mɛnɛn dɔn bɛ́ tɔ we ka ǹ gòã nɛ, á bɛa duu fuə kũ (20 000). Á ziabaa ǹ sùin lɛn paabiɛ bɔ á koa, á gialakun kɛ tumaa pere biɛn kukuru.

Bɔ bɛ̀rɛbaa nɛ 12:14

Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 13:13

n pɛ ǹ nɛ kɛnɛn: – Dɛnaa Lawa a da ǹ boo á ke: «Maa foo-yoo kɛ n die gána kɛa min tumaa yii kuĩ ka yɔ bɛ min yii kuĩ lɔn, ǹ kiin mɛnɛn bɛ́ giã-n Davida a kii dankan la, ǹ Lawa a wúlu-bɔlen ne, ǹ Lawa a boo gii-dalin ni, ka Zeruzalɛmu min tumaa nɛ.

Zeremii 22:2

N tá re pii ni: «Nsɛ Zudaan kii ke giã-n Davida a kii dankan la, ń too kɔ Dɛnaa Lawa a boo li. Bɛa boon lɛn manə n gána nyɛɛnaandɛnan wɔ lɛa, ka zaman kɛ nɛ boe kii kion a kiɛnlɛn nɛ.»

Zeremii 22:30

A bɛ́ boo mɛn diɛ á ke: – Ka kɛ kiɛ̃ Konia a paǹ li: «Min ni a nɛnyaanan ba re goɛ̃ wa. Là goon din yɛ a ganaa a yiikoonaabaa gɔ́ɔ̃-n wa. Min kɔn ba re yii a sumu-n a giã Davida a kii dankan la, a Zudaa gána nyɛɛnaan bɔ wa.»

Zeremii 22:4

Bɛ̀ ka bɛa boo kɛn lɛn tamaa sɔnbɔraa nɛ, kiin tá re yii duduu ǹ giã Davida a kii dankan la. Ǹ tá re dii sùi hinlaa ziabaa ǹ wotoro la bɛ̀ ǹ bɔ kii kion lɛ a kiɛnlɛn nɛ, ǹ dinin ni, ǹ gána nyɛɛnaandɛnan nɛ ka zaman lɛ nɛ.

Zeremii 25:5

Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 33:15

Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.

Zeremii 33:17

Dɛnaa Lawa n kɛ pii doo: «Davida tɔrɔ á re nyaabiɛ Izirayeli gána a kii dankan kɛ la wa.

Zeremii 33:21

Bɛa yɔrɔ lɛ la, ma lɛkɔ mɛn wɔ maa dí-nyali Davida nɛ, bɛ dɔ a sàabiɛ doɛ̃ wa. Bɛ lɛ nɛ, duduu, min tá re yii Davida tɔrɔ lɛa a giã a kii dankan la. Duduu, Levii tɔrɔn tá re yii Lawa a wúlu-bɔlen lɛa ǹ dí nya ma nɛ.

Zeremii 7:3

Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ka kaa giã ǹ gɔn laanka kaa zɛnaa ǹ siin bɔyaa. Ka bɛ nɛ, ma á re toɛ ka giã gána kɛ nɛ.»

Zeremii 7:7

Ka bɛ nɛ, ka á re giɛ̃ gána kɛ nɛ ma kɔ ka digolon la duduu, duduu wɔ lɛa.

Timəə dí-pɛn 17:16

Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Samayeli1 8:11

Á pɛ: «Kii mɛn bɛ́ re goɛ̃ ka mìi la, a n die a pàã zɛnɛɛ yɔrɔ kɛ la: a tá re kaa nɛgiĩn biɛ sɔraasin lɛa, a ǹ kaa ziabaa ǹ wotoron laanka sùin la, ǹ baa si a wotoro nyɛɛnɛ.