Zeremii 17:22 - LAWA A BOO SONBORE 2011

²² Bɛa pinaa, ka nyan soo ka guĩ-n kaa kion wa, ka nyan dí kɔn nya wa. Sɛnɛ, ka bɛa lɛawaa lɛ koa masɛ wɔ lɛa, ka ma pɛ ka digolon man lɔn.

LAWA A BOO SONBORE

²² Bɛa pinaa, ka nyan soo ka guĩ-n kaa kion wa, ka nyan dí kɔn nya wa. Sɛnɛ, ka bɛa lɛawaa lɛ koa masɛ wɔ lɛa, ka ma pɛ ka digolon man lɔn.

Zeremii 17:22 ပူးပေါင်းရင်းမြစ်များ

Nehemii 13:15

Bɛa biikoo kɛ lɛ li, ma yii minin yɛ Zudaa gána nɛ, rezɛ̃ mu boe *susu ǹ pii pinaa, gialakunun nə́ die ka belee gɔn sara yiin ni, ǹ nə́ ǹ kiɛ dundunun la, ka duvɛ̃ nɛ, ka rezɛ̃ nɛ, ka gɔ́rɔ nɛ, ka guĩ tɔrɔ tumaa nɛ, ń giɛ ǹ tá die ǹ ne Zeruzalɛmu susu ǹ pii pinaa. Ǹ goã ǹ pii mànan lɛn siɛ̃ ǹ mɛn pinaa, má goã má ǹ zɛ̀rɛ baa.

Bɔ bɛ̀rɛbaa nɛ 23:12

Lɛawaa sɔrɔ dɔ gɔ́ɔ̃ nɛ, dí mɛn bɛ́ ka li, ka bɛ nya. Sɛnɛ, lɛawaa sɔbaabaa ǹ wɔ kɛ li, ka n susu. Kaa dii laanka kaa dundun dɔ á re susui yii. Kaa bɛ̀rɛn laanka kaa gùlin dɔn pàã á re wusii a kaa kɔn li.

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Zeremii 17:24

Dɛnaa Lawa a da ǹ boo á ke: «Sɛnɛ kasɛn, ka n too kɔ ma lon taãn nɛ. *Susu ǹ pii pinaa, ka nyan bɔ ka guĩ kɔ́n nɛ kiwi lɛ a kiɛnlɛn nɛ wa. Ka bɛa lɛawaa lɛ koa masɛ wɔ lɛa, ka nyan dí kɔ́n nya wa.

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 22:8

Mànan mɛnɛn bɛ́ maa wɔn lɛa, maǹ sàn koe ka bɛn nɛ, ǹ tá maa susu ǹ piin kɛn ziziɛ̃.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 23:3

Lɛawaa sɔrɔ gɔ́ɔ̃ nɛ, ka kaa dín nya. Sɛnɛ, lɛawaa sɔbaabaa ǹ wɔ kɛ n *susu ǹ pii lɛa. Ka doamaa bie ka dí kɔn nya bɛa pinaa wa. Ka doamaa nɛ, ka n lɛ sɔkɔn, ka masɛ guguru kɔ. Ta ka n bǎã mɛn nɛ, ka susu ǹ pii pinaa lɛ koa, masɛ Dɛnaa Lawa wɔ lɛa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Luku 23:56

Bɛ kio ǹ nə́ wusoo ǹ nə́ daa piɛ, ǹ nə́ da yon gìĩ kɔɔ̃n laanka nyɔɔ gìĩ kɔɔ̃n zɛnaa. Susu ǹ pii pinaa ke, ǹ nə́ bɛ koa á kɔnpɛ ka dí-pɛ lɛ nɛ.

Luku 6:5

Á wusoo á pɛ ǹ nɛ: «Min a Nɛgiĩ n susu ǹ pii mìi la.»

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.