Zeremii 17:21 - LAWA A BOO SONBORE 2011

²¹ Dɛnaa Lawa n kɛ pii: «*Susu ǹ pii pinaa, ka yiri bɔ ka dinin li. Ka nyan guĩ saa bɛa pinaa, ka bɔ ka Zeruzalɛmu kiɛnlɛn lɛn nɛ wa.

LAWA A BOO SONBORE

²¹ Dɛnaa Lawa n kɛ pii: «*Susu ǹ pii pinaa, ka yiri bɔ ka dinin li. Ka nyan guĩ saa bɛa pinaa, ka bɔ ka Zeruzalɛmu kiɛnlɛn lɛn nɛ wa.

Zeremii 17:21 ပူးပေါင်းရင်းမြစ်များ

Bɔ bɛ̀rɛbaa nɛ 20:8

- N *susu ǹ pii tamaa, n bɛ koa a gɔrɔn Lawa a lɛa.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Izayii 56:2

Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Izayii 58:13

Bɛ̀ n nə n piã n dí nya *susu ǹ pii pinaa wa, ma lɛawaa mɛn bɔ má koa maa wɔ lɛa, bɛ n dí nya li wa, bɛ̀ ń susu ǹ pii lɛ bíi "là nyantoro", bɛ̀ ń Dɛnaa Lawa a lɛawaa sonbore lɛ bíi "guguru kɔ ǹ lɛawaa" bɛ̀ n ná a guguru kɔ, ń dí kɔn nya li wa, bɛ̀ n pii kɔ li, n nə́ n din foo sii zɛnaa wa, bɛ̀ n liere kooro kɔ wa,

Marki 4:24

Yezu tɔ́n pɛ ǹ nɛ doo: «Ka bɛ́ boo mɛn miɛ, ka n yiri kɔ bɛ li parsiini. Lawa n die a gii ǹ màn zoɛ̃ a kɔ ka la a kɔnpɛ ka ka dinin too kɔ ǹ gɔn nɛ, a màn da li a kɔ ka la.

Luku 8:18

Bɛ lɛ tɔ ganaa, ka yiri bɔ ka dinin too kɔ ǹ gɔn li. A giala màn bɛ́ min mɛn lon, kɔsɔ á re n diɛ bɛa dɛnaa wɔ li, màn boɛɛn bɛ́ min mɛn lon, a ná a ba giɛ a màn da li wa, bɛ lɛ dɔ á re n sii la.»

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 4:15

Ka yiri bɔ ka dinin li taãn-taãnɛ. A giala, Dɛnaa Lawa bɛ́ tɛ bii á n boo diɛ ka nɛ Orɛbu kele lɛ la ǹ mɛn pinaa, ka a dinmaa yɛ ka yii-n wa.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Zozoe 23:11

Bɛ lɛ nɛ, ka n yiri koa ka dinin li taãn-taãnɛ, ka kaa Lawa, Dɛnaa Lawa lɛ narɛ.