Zeremii 17:13 - LAWA A BOO SONBORE 2011

¹³ Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

LAWA A BOO SONBORE

¹³ Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 17:13 ပူးပေါင်းရင်းမြစ်များ

Loen 22:4

A da yaa, n din lɛ n kii sonbore lɛa, Izirayeli nɛnyaanan bɛ́ kii mɛn guguru koe.

Loen 69:29

Ǹ tɔ tuturu, n bɔ yiikoonaabaa ǹ sɛ́wɔ kɛ nɛ. Ǹ tɔ baran goã kiɛ̃-n kun ka min peperen kɛn wɔ-n wa.

Loen 71:5

Dɛnaa Lawa, n din nə maa foo doa ǹ bǎã lɛa, ma foo n doa nɛ n din ganaa, a kũ maa boɛɛnmaa ganaa.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Suusun 10:7

Min mɛnɛn bɛ́ sii sonbore zɛnɛɛ, yiri a boe ǹ ne wa. Sɛnɛ, sii baraa-zɛnaalin kɛn, yiri n boe bɛn nɛ lenlen.

Suusun 14:14

Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 14:8

Nsɛ, Izirayeli a foo doa ǹ bǎã, nsɛ mɛn bɛ́ a kirisibiɛ koe biikoo li, kanna kəni, a n siɛ lɔn, n tá n din biɛ ká tii bɛ́ lɔn gána lɛ nɛ, ká kiɛ̃ wole bɛ́ lɔn tèlò zii goon gɔ́ɔ̃ nɛ.

Zeremii 17:17

N nyan nyɛ́ɛ da ma-a wa, koe biikoo li, n din ni maa duru ǹ bǎã lɛa.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Ezekieli 13:9

Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Danayeli sɛ́wɔ 12:2

Ǹ mɛnɛn bɛ́ nyuù we tán tii li, bɛn gigiã yii á re kiɛ. Ǹ tɛn yii á re kiɛ ǹ nyin nyabaã yɛ, ǹ tɛn dɔ yii á re kiɛ, ǹ sìi laanka nɔmaa duduu yɛ.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Zakarii 9:12

Kòso nɛ foo doa wolen lɛn, ka n bɔyaa ka da kaa kiwi tamaa wole ne! Pelo dinin, man pii ka nɛ, màn mɛn bɛ́ ka lon, man die bɛa la ma-n paa koe ka la.

Luku 10:20

Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»