Zeremii 17:12 - LAWA A BOO SONBORE 2011

¹² A kũ kanaa giala kɔ waáraa ganaa kii dankan mɛn bɛ́ piɛ̃-n ka gugurubaa nɛ, a n lon, wɔa Lawa a kion sonbore kɛ nɛ.

LAWA A BOO SONBORE

¹² A kũ kanaa giala kɔ waáraa ganaa kii dankan mɛn bɛ́ piɛ̃-n ka gugurubaa nɛ, a n lon, wɔa Lawa a kion sonbore kɛ nɛ.

Zeremii 17:12 ပူးပေါင်းရင်းမြစ်များ

Loen 103:19

Dɛnaa Lawa ná a kii dankan koa lon, a n kii lɛa màn tumaa mìi la.

Loen 96:6

Lon màn siĩnin laanka a tɛ-pɛlen man a lɛnpɛnɛ, a kion kɛ piɛ̃maa nɛ, ka a din pàã laanka a zín ni.

Izayii 6:1

Ǹ kɔn pinaa, kii Oziasi a gɛ̀ lɛ̀ ganaa, má sii-nyaa yɛ: Dɛnaa na á goã giã-n tán kii dankan la, ǹ mɛn la bɛ́ lon taãn-taãnɛ, a mɔnaan nə́ Lawa a kion pã.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 14:21

N tɔ taman yii, n giã ǹ bǎã ke piɛ̃ nɛ ka n gugurubaa kɛ nɛ, n nyan nə n la bɔ bɛ ganaa wa. N nyan nə n la bɔ a ganaa wa. N lɛ kɔ kɔn la mɛn wɔ ka wɔ nɛ, n yiri kɔ ka bɛ nɛ, n nyan a sàabaa wa.

Zeremii 3:17

Bɛa waáraa kəni, maǹ die Zeruzalɛmu bíi, «Dɛnaa Lawa a kii dankan.» Tɔrɔn tumaa n die n soekɔn ka Dɛnaa Lawa tɔ nɛ Zeruzalɛmu. Ǹ ba re koe ǹ foo kakabaa kɛ laanka ǹ taasiɛ baraan kɛn lɛ wa.

Ezekieli 1:26

Bara mɛn lɛ goã ǹ mìi lalan, kii dankan a kɔnboe na á goã bɛ lalan, tɛ pii ka kɔlɔ bɔlaan kɛ bɛ́ lɔn. Min a kɔnboe dɔ na á goã bɛa kii dankan lɛ lalan lon.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Sii-nyaan 3:21

Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.