Zeremii 16:4 - LAWA A BOO SONBORE 2011

⁴ Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

LAWA A BOO SONBORE

⁴ Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 16:4 ပူးပေါင်းရင်းမြစ်များ

Kiin2 9:10

Zezabɛli sɛ, ginin tá re a gere soɛ̃ Zizereyɛli tán la, min ba re a gere yii a bĩ wa.» Bɛ kio, tɔntɔraagiĩ lɛ kiɛnlɛ bũ, á soo á baa si á woo.

Loen 78:64

Ǹ Lawa a wúlu-bɔlen nə́ gɛ̀ kakaarɛ wɔ, ǹ lɔ giɔɔrɔn nə ǹ gɛ̀ wuu pɛ wa.

Loen 83:10

Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

Izayii 18:6

A din yɔrɔ goon la, Etiopii minin dɔn tá re n toɛ walan kele la ǹ sían laanka don mànan gɔn. Sían tá re ǹ mui bɔ̀nɔn, don mànan nə ǹ sɔ̃ taãlan.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 21:6

Màn yiikoonaa mɛn tumaa bɛ́ kiwi lɛ nɛ, ma á re ǹ tumaa dii: Minbuiinin laanka tɔɔn. Piɛ̃ busu baraa á re ǹ tumaa dii.

Zeremii 25:33

Bɛa pinaa lɛ nɛ, Dɛnaa Lawa taman yii, geren tá re goɛ̃ kanaa paǹ tumaa nɛ, a kũ a paǹ goon kɛ ganaa a wo a paǹ goon kɛ dɔ yaa. Bɛ̀ bɛ nə́ n zɛnaa, min kɔn ba re wuu pii a geren la wa, min kɔn ba re a geren goɛ, a ǹ bĩ wa. Maǹ die n biɛ ka yisi bɛ́ lɔn.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 34:20

Man die ǹ we ǹ zɔ́ɔn gɔn, ka min mɛnɛn bɛ́ zoɛ̃ ǹ gɛ̀ li. Ǹ siĩ á re zèwon laanka tolokan màn-bii biɛ.

Zeremii 36:30

Kanna kəni, Dɛnaa Lawa n kɛ pii Zudaan kii Zozakimu a paǹ li: «Davida a gána nɛ, Zozakimu a sumu min kɔn ba re yii a kio, a giã pàã la wa. Bɛ̀ á gã, a gere á re goɛ̃ tán sɛ̀fuu li, ka tèlò a nyan nɛ.

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Zeremii 44:27

Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.

Zeremii 7:33

Bɛa geren lɛn tá re zèwon laanka tolokan màn-bii biɛ, min kɔn dɔ a re ǹ lui wa.

Zeremii 9:22

Dɛnaa Lawa bɛ́ boo mɛn diɛ, á ke: Sii-dɔ̃li doamaa bie a n din kalaa wa. Min kaka doamaa bie a na a din a kakabaa kalaa wa. Pàãmaa doamaa bie a na a din a pàãmabaa kalaa wa.

Busii pɛ 4:9

Bɛ̀ gɔya sa nə n mɛn dɛ, á soɛ bòo a dɛ nɛ. Gã ka piũn tá soɛ nɔmaa bòo gɔn nɛ.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Sofonii 1:17

Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.

Timəə dí-pɛn 28:22

Dɛnaa Lawa á re gɔ̀nɔn-wɛ̃ diɛ ka ganaa, a ka là paparɛ, ka pɛrɛ. Á re lɛ̀ gere koe kaa mànan ganaa, a gìa da ǹ ganaa, ka doloka nɛ. Bɛn man die goɛ̃ ka gialaa, yǎa ka papaɛ̃.

Timəə dí-pɛn 28:26

Ka gere á re kaa gána a don mànan laanka bàanan wɔ biɛ, min dɔ ná a re yii a ǹ loo wa.