Zeremii 16:18 - LAWA A BOO SONBORE 2011

¹⁸ Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

LAWA A BOO SONBORE

¹⁸ Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Zeremii 16:18 ပူးပေါင်းရင်းမြစ်များ

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 61:7

Dɛnaa Lawa pɛ: «A laan sìi ka kũ, ka ǹ die là màn paa yii. A laan ǹ nə́ sɔ baraa kɔ ka ganaa, ka ǹ die n lɛ dii ka foo kɔɔ̃n nɛ ka gii kɛ taman yii. A giala, ka gii n die goɛ̃ paa ǹ gána nɛ. Foo kɔɔ̃n mɛn bɛ́ a nyɛɛ wa, ka ǹ die goɛ̃ bɛ gɔ́ɔ̃ nɛ.

Izayii 65:6

Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

Izayii 65:7

Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 3:9

A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Ezekieli 11:18

Bɛ̀ ká dɔ, dì guguru kɔ ǹ mànan tumaa, ka ǹ bɛ́ sii bɔbɔnɛɛ zɛnɛɛ ka mànan mɛnɛn tumaa nɛ, ka bɛn goa, ka ǹ bɔ gána lɛ nɛ.

Ezekieli 11:21

Sɛnɛ, min mɛnɛn taasiɛ bɛ́ tɔn doa-n dì mànan laanka sii bɔbɔnɛɛn kɛn ganaa, ma á re bɛn zɛnaa ǹ siin lɛn dɔlɔ diɛ ǹ dinin mìi ni. Ma din Dɛnaa Lawa a da ǹ boo ne.»

Ezekieli 36:18

Ǹ mà mɛn kaa gána lɛ nɛ, ǹ gána lɛ gɔgɔrɛ kɔ ka dìn mɛnɛn nɛ, bɛ lɛ na á toa masɛ foo yoo ǹ li.

Ezekieli 5:11

Dɛnaa Lawa a da ǹ boo á ke: Ma tɔ taman yii, ka bɛ́ ka *gɔ̀ da maa kion sonbore kɛ ganaa kaa sii babaraan kɛn tumaa laanka kaa sii bɔbɔnɛɛn kɛn tumaa nɛ, man die ka dii lenlen, ka ǹ bɛ́ min mìi koɛ̃ lenlen lɔn. Ma a re makara boe ka ganaa wa, ma a re ka toɛ walan wa.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Misee 2:10

Ka yoo ka n tan kəni! A giala, kànaa kɛ bie kaa susu ǹ bǎã lɛa bɔrɔ wa. Ka sii gɔgɔrɛ mɛn zɛnaa, a basaã á die ka yii, á die baraa koe ka ganaa.

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.