Zeremii 15:7 - LAWA A BOO SONBORE 2011

⁷ Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

LAWA A BOO SONBORE

⁷ Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

Zeremii 15:7 ပူးပေါင်းရင်းမြစ်များ

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 51:2

Man die tiin kiɛ ǹ ganaa, ǹ nə ǹ sawaa ka piɛ̃ bɛ́ buu siɛ lɔn. Ǹ tá re a gána lɛ ziziɛ̃. Bɛa koe pinaa kɛ lɛ nɛ, ǹ tá re a lɛnpɛnɛ paǹ yii li.

Zeremii 9:21

Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ezekieli 24:25

Minbuiin a nɛ, n too kɔ: «Màn mɛn lɛ bɛ́ ǹ pàã lɛa, màn mɛn lɛ sii bɛ́ kɔɔ̃nɛ ǹ ganaa, ǹ bɛ́ nyaǹ boe màn mɛn lɛ la, ǹ bɛ́ n parɛɛ bǎã mɛn lɛ ganaa ǹ foo n doa nɛ a ganaa, ǹ kɔn pinaa, ma á re bɛ kuĩ ma si ǹ la, kun ka ǹ nɛgiĩn laanka ǹ nɛlɔn nɛ.

Ezekieli 36:12

Ma á re toɛ maa zaman Izirayeli lɛ tɔ wɔ gána lɛ paǹ tumaa nɛ. Ka á re gána lɛ sii ka baa kaa wɔ lɛa. Gána lɛ á re kaa wɔ biɛ, ǹ ba re kaa nɛnyaanan sii ka la doo duduu wa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Timəə dí-pɛn 28:18

Ka gɔ́ɔ̃gɔ́ɔ̃ ǹ nɛnyaanan wɔ a re bǐɛ̃ koe wa, kaa tán dí a re ka gɔn sii wa, kaa diin ni, kaa sèren ne ka kaa bòen ne, bɛn kɔn ba re mɔnɛɛ wa.

Timəə dí-pɛn 28:32

Tɔrɔ kɔsɔn tá re kaa nɛgiĩn laanka kaa nɛlɔn kuĩ ǹ wo ǹ ne bɛ̀rɛn lɛa, ka dinin yii ni. Bɛ̀ lɛ̀ waa lɔn ka á re n yii diɛ ǹ bɔyaa a da piɛ la ka nɔmaa, ka a re boe la ka sii kɔn zɛnaa wa.

Timəə dí-pɛn 28:41

Ka á re nɛgiĩn laanka nɛlɔn yii, sɛnɛ, ǹ ba re kaa wɔ biɛ wa. A giala, ǹ tá re woe bɛ̀rɛbaa ǹ bǎã nɛ.