Zeremii 15:2 - LAWA A BOO SONBORE 2011

² Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

LAWA A BOO SONBORE

² Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 15:2 ပူးပေါင်းရင်းမြစ်များ

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 14:16

Ǹ boon kɛn pɛ min mɛnɛn manɛ, zia laanka bòo n die ǹ dɛnan dii. Ǹ dinin ni, ǹ lɔn nɛ, ǹ nɛgiĩn ni, ǹ nɛlɔn nɛ, ǹ gere n die goɛ̃ tán bǎã tumaa nɛ Zeruzalɛmu a zii mìin ni. Min kɔn ba re yii a ǹ bĩ wa. Ǹ baraan mɛnɛn zɛnaa, man die bɛ lɛ diɛ ǹ mìi ni.»

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Zeremii 43:11

Bɛ̀ á daa, á re yui Ezipti gána gialaa. Min mɛnɛn doamaa bɛ́ nɛ ǹ gã, bɛn tá re giɛ̃, ǹ mɛnɛn doamaa bɛ́ ka goa nɛ, ǹ tá bɛn goɛ, ǹ mɛnɛn doamaa bɛ́ ka gɔya sa gɛ̀ nɛ, gɔya sa á re bɛn dii.

Ezekieli 12:11

A pɛ ǹ nɛ kɛnɛn: Man sii a kɔnboe lɛa ka yɔrɔ-a. Ma zɛnaa lɔn, a n die n zɛnɛɛ ka nɛ miɛ̃. Ǹ tá re ka goɛ, ǹ wo ka nɛ bɛ̀rɛbaa ǹ bǎã nɛ.

Ezekieli 14:21

Bɛ kio, Dɛnaa Lawa wusoo á pɛ ma nɛ: Dɔlɔ màn sii ni masɛ da Zeruzalɛmu kiwi lɛ mìi ni, ma tá a minbuiinin laanka a tɔɔn dii ni: zia nɛ, bòo ne, don màn babaraan nɛ, ka piɛ̃ busu ni.

Ezekieli 33:27

N die n kɛ pɛ ǹ nɛ: «A ma toa ma yii n koo, masɛ Dɛnaa Lawa n kɛ pii: Ǹ kiwi mɛn lɛ yu, min mɛnɛn bɛ́ a nɛ, ǹ tá re bɛn dii. Min mɛn bɛ́ don, ma á re bɛ koe don màn babaraan la ǹ màn-bii lɛa. Min mɛnɛn bɛ́ kele la, ka kele yalan nɛ, bɛn tá re giɛ̃ piɛ̃ busu babaraa gɔn.

Ezekieli 5:12

Piɛ̃ busu á re kaa minin lɛn talakɔn sɔɔ a goon dii, hinlaa bòo á re ǹ nyɛɛ a ǹ bɔ kiwi lɛ nɛ. Ǹ tá re kaa talakɔn sɔɔ lɛ a paabaa ǹ wɔ dii zia la kiwi lɛ lɛkoro-a. Kaa talakɔn sɔɔ lɛ a giala-nyɔmiɛ̃ ke, ma á re bɛn pɛsɛ̃ kanaa paǹ tumaa nɛ, ma maa gɔya sa kɛ woɛ̃ ǹ li.

Ezekieli 5:2

Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.

Danayeli sɛ́wɔ 9:12

N boon mɛnɛn da wɔ dininmaan wɔ paǹ li ka goledɛnan mɛnɛn dɔn bɛ́ ǹ nə́ goã wɔ mìi la, ń bɛn sii zɛnaa ń ná a lɛ pã: n nə́ ń bɔ̀n gole da wɔ ganaa Zeruzalɛmu kiwi, ǹ miã kɔsɔ tɔn nə n zɛnaa bǎã kɔn nɛ kanaa kɛ-n wa.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Zakarii 11:9

Má tɔ́n nə n toa ǹ ganaa kɛnɛn: «Ma a re giɛ ka walan doo wa. Ǹ mɛnɛn bɛ́ re giɛ̃, ǹ gã! Ǹ mɛnɛn bɛ́ siĩni ǹ gã, ǹ gã! Ǹ mɛnɛn yii bɛ́ re goɛ̃ koo bɛ kio, ǹ dinin nə kɔn sɔ̃!»

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.