Zeremii 14:3 - LAWA A BOO SONBORE 2011

³ Kiãn manə ǹ dí-nyalin diɛ woe giɛ mu li. Ǹ nə́ dɔ tùn lɛ-a, sɛnɛ, mu banban. Maǹ nə n bɔyɛɛ ǹ lon kooromaa. Ǹ foo ziziɛ̃, ǹ yɔrɔ kɔsɛ, ǹ nə́ n mìi kuməə.

LAWA A BOO SONBORE

³ Kiãn manə ǹ dí-nyalin diɛ woe giɛ mu li. Ǹ nə́ dɔ tùn lɛ-a, sɛnɛ, mu banban. Maǹ nə n bɔyɛɛ ǹ lon kooromaa. Ǹ foo ziziɛ̃, ǹ yɔrɔ kɔsɛ, ǹ nə́ n mìi kuməə.

Zeremii 14:3 ပူးပေါင်းရင်းမြစ်များ

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Samayeli2 19:4

Bɛa pinaa kɛ lɛ nɛ, zaman lɛ na á n duru á kaa kiwi gɔ́ɔ̃ nɛ, ka n pɛ mà min mɛnɛn bɛ́ ke ǹ nə́ baa si zia la, sìi nə́ ǹ ganaa.

Kiin1 17:7

Biikoo kɔn daa á dɔ, mu zii lɛ a mu piɛ̃, a giala la goã kiɛ gána lɛ-n wa.

Kiin2 18:31

Ka baran n too kɔ Ezekiasi lon wa, a giala Asiirii gána a kii lɛn pii kɛnɛn: «Ka giaárabaa zɛnaa ka masɛ nɛ, ka n dinin kɔ ma la, didie tá re a *rezɛ̃ da wuru a nɛ bii, didie tá re a gɔ́rɔ da nɛ bii, didie na a nyankɔrɔ zuzulu mu mii,

Ɛsit 6:12

Bɛ kio, Mardoose nə́ n lɛ goa á daa kii a kiɛnlɛ-a, bɛ̀ Haman sɛ tá n nanaɛ woe piɛ, a foo n ziziɛ̃ nɛ màn nə́ koe ne a yɔrɔ lɛ.

Zɔbu 6:20

Ǹ bɛ́ ǹ nə́ taasɛ mà ǹsɛn tá re mu yii bǎã mɛn nɛ, ǹ nə́ woo ga, ǹ nə́ fɔ̃. Á foo-ziziɛ̃ baa ǹ ganaa.

Loen 109:29

Barka nə́ n bɔ ma zɛ̀rɛ-baalin lɛn nɛ, sìi nə́ ǹ kũ babaraa nɛ, ǹ ba n sii la doɛ̃ wa.

Loen 40:14

Dɛnaa Lawa, bǐɛ̃ kɔ n ma kirisibaa! Dɛnaa Lawa, da n dɔ ma lɛ fufuu!

Zeremii 14:4

Bǎã tumaa nɛ, tán nə́ n dɛ, a giala, la kaa wa. Bɛ lɛ nɛ, buu-kɔsɔlin foo ziziɛ̃, ǹ nə́ n mìi kuməə.

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:37

N tá re soe bɛa gána kɛ lɛ dɔ nɛ n gɔnɔn nə́ n mìi ni, sìi ni n ganaa. Sonbore, n foo bɛ́ doa-n min mɛnɛn ganaa, Dɛnaa Lawa á re bɛn lui. N ba re là goon yii ǹ ganaa wa.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Busii pɛ 4:4

Nɛnyaan tiɛɛ̃n lɛwɔn nə́ damɛ a lɛ-n mu boro gɔn. Nɛnyaan bɔnboɛɛnən man màn-bii liɛ, sɛnɛ min kɔn ba màn koe ǹ la wa.

Ozee 2:3

Ka pɛ ka dɔɔ̃ngiĩn lɛn manɛ: «Amii, maa zaman.» Ka pɛ ka dɔɔ̃nlɔn lɛn manɛ: «Urukama, ma á re makara boe ka ganaa.»

Zowɛli 1:20

Haalɛ don mànan dɔn dinin manə n yɔrɔ diɛ n din la. A giala, mu piɛ̃ á n bɔ pɛrɛn nɛ, tɛ tɔɔn buu sɔ̃ ǹ bǎã tumaa kũ don.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Amɔɔsi 4:8

Minin man soe kiwi kɛ-a, ǹ wo kɛ nɛ, ǹ nə́ tatalɛ, ǹ nə́ giɛ mi ǹ mu li, sɛnɛ, ǹ mu yɛ ǹ nə́ mi, á ǹ bɔ wa. A laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Zakarii 14:17

Bɛ̀ tán a tɔrɔn kɛn goon wo Kii Dɛnaa Lawa Pàãyiidɛnaa guguru kɔ Zeruzalɛmu wa, la á re kiɛ ǹ gána-n wa.