Zeremii 14:2 - LAWA A BOO SONBORE 2011

² Zudaa zaman nə gɛ̀ koɛ, ǹ kiwin pàã nya. Min tumaa foo n zizɛ̃ nɛ. Zeruzalɛmu a lɛ-dɛ n dii lon.

LAWA A BOO SONBORE

² Zudaa zaman nə gɛ̀ koɛ, ǹ kiwin pàã nya. Min tumaa foo n zizɛ̃ nɛ. Zeruzalɛmu a lɛ-dɛ n dii lon.

Zeremii 14:2 ပူးပေါင်းရင်းမြစ်များ

Zɔbu 34:28

Maǹ nə́ zɛnaa miɛ̃, yǎa doobaa nə́ n lɛ dɛ Lawa ganaa. Lawa dɔ bɛ́ nɔmaa-wɔle a lɛ-dɛ miɛ.

Loen 144:14

Toa wɔa diin nə kasã parsiini. Wɔ kanbaa bɔ̀n laanka goa a wo bɛ̀rɛbaa-n ganaa, wuu dɔ baran bɔ wɔa gána kɛ paǹ kɔn nɛ doo wa.

Bɔ bɛ̀rɛbaa nɛ 2:24

Lawa nə́ ǹ ginii lɛ ma. Lawa yiri gisĩ ka lɛ kɔ kɔn la kɛ nɛ, a din doa kɔn ka Abrahamu ni, ka Izaaki laanka Zakɔba nɛ.

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Izayii 24:11

Ziin la, minin manə n lɛ-dii duvɛ̃ li. Nyɛnyɛɛ banban doo wa. Foo kɔɔ̃nbaa soo á n bɔ gána lɛ nɛ.

Izayii 24:4

Tán yɔrɔ kɔsɛ, á laa. Kanaa n gɛ̀ koɛ, á ziziɛ̃. Kanaa a min dadaran dɔn nə́ pɛrɛ.

Izayii 24:7

Duvɛ̃ dii kiɛɛrɛ kɔ, *rezɛ̃ da pàã nya. Min mɛnɛn foo goã kɔɔ̃nɛ, bɛn man gini.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 12:11

Sonbore, maǹ nə́ bɔyaa ǹ nə́ baa gána ziziɛ̃ lɛa, piɛ̃-n ka gɛ̀ koa nɛ. Ma yɔrɔ-a, bǎã tumaa n diə gole lɛa. Gána lɛ tumaa ziziɛ̃. A min kɔn din yii li ǹ sii lɛa wa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 18:22

Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Zeremii 46:12

Tɔrɔn nə́ kaa sìi boo ma. Bǎã tumaa nɛ, maǹ kaa ginii lɛ miɛ. A giala zia-baali na á n tɔ ǹ miã nɛ, ǹ tumaa bɔ ǹ nə́ kaa.

Zeremii 8:21

Koe n ma mìi ni, maa zaman lɛ a koe taman yii. Ma foo ziziɛ̃, ma yiri nə́ n lɔlɔkɔn.

Busii pɛ 2:8

Dɛnaa Lawa golee li, mà a n die Siɔn a kungɔn wurii. Á biɛ nàn nyoã, a n die zɛnɛ kɔnlɛ. Á yuyu miɛ̃, yǎa a tumaa wuru. Kiwi lɛnpɛnɛ ǹ kungɔn bibinaa laanka a paabaa ǹ wɔ lɛ yu. Bɛ foo-ziziɛ̃ baa.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Busii pɛ 5:10

Bòo taman yii, wɔ gɔ̀nɔn nə wɛɛ̃-n ka belebele ka wɔ n kùsì ni.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Zowɛli 1:10

Wurun nə́ ziziɛ̃ tán mànan foo ziziɛ̃. A giala, belee ziziɛ̃, duvɛ̃ banban doo wa, nyɔɔ banban doo wa.

Zowɛli 1:11

Buu-Kɔsɔlin gù gã, rezɛ̃ wuru-bɔlen tá n lɛ didii. Belee banban, *ɔrzi banban wuru gɔ́ɔ̃ màn tumaa ziziɛ̃.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Zowɛli 2:6

Tɔrɔn tumaa gɔ̀nɔn nə bìn diɛ ǹ nyɛɛnɛ min tumaa yɔrɔ ziziɛ̃.

Azee 1:11

Má lɛ̀ gere kɔ gána lɛ nɛ, kaa kele mìin ni, má lɛ̀ gere da kaa *belee wuru-n, rɛzɛ̃ wɔ nɛ ka *olivie wɔ nɛ. Màn mɛn tumaa bɛ́ boe tán la minbuiin nɛ ka tɔɔn wɔ lɛa, ka ka bɛ́ dí mɛn din tumaa nyɛɛ ka ka gɔn nɛ, ma lɛ̀ gere kɔ bɛ tumaa ganaa.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Samayeli1 5:12

Min mɛnɛn bɛ́ ǹ nə́ goã ǹ yii n koo, gɔ̀nɔn kokoree busu na á goã bɛn ganaa. A bɛ miɛ̃, kiwi minin lɛn nə́ bubui da, yǎa ǹ lɛn dɔ lon.

Samayeli1 9:16

«Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»