Zeremii 14:13 - LAWA A BOO SONBORE 2011

¹³ Má a lɛ si: «Sɛnɛ, Dɛnaa Lawa, á ke, n boo gii-dalin man pii zaman lɛ nɛ, mà zia hinlaa bòo ba re n koe ǹ lɛ doo wa. Sɛnɛ, mà Lawa n die là nyantoro taãn-taãn koe ǹ la kànaa.»

LAWA A BOO SONBORE

¹³ Má a lɛ si: «Sɛnɛ, Dɛnaa Lawa, á ke, n boo gii-dalin man pii zaman lɛ nɛ, mà zia hinlaa bòo ba re n koe ǹ lɛ doo wa. Sɛnɛ, mà Lawa n die là nyantoro taãn-taãn koe ǹ la kànaa.»

Zeremii 14:13 ပူးပေါင်းရင်းမြစ်များ

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Zeremii 1:6

Má a lɛ si kɛnɛn: «Ebe, Dɛnaa Lawa, ma a boe boo diɛ la wa. Ma yii á kiɛɛrɛ á la yii ni.»

Zeremii 20:6

Nsɛ Pasewuru, n laanka min mɛn tumaa bɛ́ kion kun, ǹ tá re ka goɛ. Bɛ̀ n dɔ Baabilonii, n tá re giɛ̃. Ǹ tá re n biĩ walan, kun ka n giaáran kɛn tumaa nɛ, ń Lawa a boo gii-dali soɛ-bɔle baa ǹ nɛ.»

Zeremii 23:17

Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»

Zeremii 37:19

Kaa Lawa a boo gii-dalin mɛnɛn nə pɛ mà Baabiloniin kii ba re yui ka gialaa ka zia-n wa, mà a re yui kaa gána dɔ gialaa wa, bɛn maǹ maa pelo?»

Zeremii 4:10

Ma á re pii kəni: – Áh! Dɛnaa Lawa, ń zaman lɛ laanka Zeruzalɛmu minin yiri sã taãn-taãnɛ, bɛ̀ n bɛ n goã ń pɛ: «Ka á re yii-nyɛɛ yii.» Sɛnɛ, gɔya sa n zoɛ̃ li á wɔ nyin boe.

Zeremii 5:12

Zudaa minin nə́ soɛ bɔ Dɛnaa Lawa wɔ paǹ li. Ǹ nə́ pɛ mà a banban. Koe á re boe wɔ ganaa wa, wɔ a re zia yii wa, bòo á re wɔ kuĩ wa!

Zeremii 5:13

Lawa a boo gii-dalin lɛn man piɛ̃ kooro lɛa. Lawa boo kɔn da ǹ nɛ wa. Ǹ bɛ́ koen mɛnɛn pii, maǹ die kuĩ ǹ dinin mìi ni.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 6:14

Koe mɛn bɛ́ maa zaman lɛ mìi ni, ǹ ba bɛ biɛ ǹ parsii lɛa wa. Maǹ pii: «Sii kɔn banban, sii kɔn banban!» A da yaa, sii tan.

Zeremii 8:11

Koe mɛn bɛ́ maa zaman yii, ǹ ba bɛ biɛ ǹ parsii lɛa wa. Maǹ pii «sii banban, sii banban», A da yaa sii tan.

Ezekieli 12:24

Sii-nyaa kooron kɛn, gɔn-nɔɔ siin kɛn nɛ, bɛn kɔn ba re yii Izirayeli minin bii doo wa.

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.