Zeremii 13:10 - LAWA A BOO SONBORE 2011

¹⁰ Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

LAWA A BOO SONBORE

¹⁰ Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 13:10 ပူးပေါင်းရင်းမြစ်များ

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Izayii 3:24

Màn gìĩ kɔɔ̃n bǎã nɛ, màn bɔnɛɛ gìĩ á re goɛ̃ a tan, maabɛlɛ bǎã nɛ, biɛ nɛ, mìi-tiɛ̃ sonbore bǎã nɛ, mìi-koɛ̃ nɛ, mɔnaa sonboren bǎã nɛ, gɛ̀ koa ǹ mɔnaa nɛ. Sìi n die siĩnbaa bǎã siɛ.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 11:18

Maa zɔ́ɔn bɛ́ kuu koe ma ganaa ka siin mɛnɛn nɛ, Dɛnaa Lawa bɛn nyaa ma nɛ, má bɔ a siére-a.

Zeremii 13:7

Má n bɔyaa ma woo Faara, má woo ga bɛa maabɛlɛ lɛ li a duru ǹ bǎã nɛ. Sɛnɛ, má woo maabɛlɛ lɛ yaa á bɔɔ̃ lenlen, là goon din ba a ganaa doo wa.

Zeremii 16:12

Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.

Zeremii 16:4

Busu kaka n die ǹ dii. Min kɔn ba re wuu pii ǹ la wa, min kɔn ba re ǹ biĩ wa. Maǹ die yisi biɛ tán. Maǹ die giɛ̃ zia la, hinlaa bòo nə ǹ dɛ. Zèwon laanka tolokan tá re ǹ siĩ kokoe.»

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 23:17

Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»

Zeremii 3:17

Bɛa waáraa kəni, maǹ die Zeruzalɛmu bíi, «Dɛnaa Lawa a kii dankan.» Tɔrɔn tumaa n die n soekɔn ka Dɛnaa Lawa tɔ nɛ Zeruzalɛmu. Ǹ ba re koe ǹ foo kakabaa kɛ laanka ǹ taasiɛ baraan kɛn lɛ wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zeremii 44:5

Sɛnɛ, ka n too kɔ wa, ka n too da wa. Ka goã sii baraa mɛn tumaa zɛnɛɛ, ka ǹ kɔn toa walan wa. Ka nə n tiɛ̃ tɔn da yon gìĩ kɔɔ̃n tiɛ̃ dì soreen manɛ.

Zeremii 5:23

Sɛnɛ, kasɛn man tɔrɔ too kaka, gòãn dii wolen lɛa. Ka n dɔ̀ɔ̃ wɔ ma nɛ, ka woo.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Zeremii 9:13

Maǹ nə́ n mìi laa. Ǹ díin man nə́ Baalin nyaa ǹ nɛ. Maǹ nə́ kɔ bɛa dìn lɛn lɛ.

Zeremii 9:14

Á bǐɛ̃ kɔ, masɛ Dɛnaa Lawa Pàãyiidɛnaa, Izirayeli a Lawa bɛ́ boo mɛn diɛ, á ke: Líɛ mɛn bɛ́ kɔɔsɛ, man die bɛ biɛ ǹ màn-bii lɛa, ma ǹ da sèwò mii ganaa.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,