Zeremii 12:7 - LAWA A BOO SONBORE 2011

⁷ Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

LAWA A BOO SONBORE

⁷ Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

Zeremii 12:7 ပူးပေါင်းရင်းမြစ်များ

Kiin2 21:14

Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.

Loen 106:40

Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.

Loen 78:62

A foo yoo a minin lɛn li, á toa ǹ nə́ ǹ dɛ ka gɔya sa nɛ.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Zeremii 11:15

Tɔrɔ ke má narɛ, masɛ Dɛnaa Lawa ná a taasiɛ baraan kɛn dɔ̃. A n die wàa zɛnɛɛ maa kion? A bɛ́ lɛ kɔn mɛnɛn we ma nɛ hinlaa a bɛ ma goe ka siĩn mɛnɛn nɛ, bɛ́ á boe la a koe wɔlɔ lui a ganaa sonbore, a tɔ nə n nyanyaa bɛ kio?

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 17:4

Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.

Zeremii 22:5

Sɛnɛ, bɛ̀ ka n too kɔ maa boon lɛn li wa, maa da ǹ boo á ke: Ma nə n liɛ, masɛ Dɛnaa Lawa, ka maa Lawa baa nɛ, kii kion kɛ á re kɛbɔlɔ biɛ.»

Zeremii 23:33

Kɔntan, zaman lɛ a minin tá re nɔ̀n diɛ n la, Lawa a boo gii-dali lɛa hinlaa Lawa a wúlu-bɔle lɛa, ǹ pɛ: – Dɛnaa Lawa a guĩ n ka wàa nɛ? Ń die n nə ǹ lɛ si kɛnɛn: «Ka dinin lɛn man a guĩ lɛa, ma á re n mìi boe ka li.» Dɛnaa Lawa a da ǹ boo ne.

Zeremii 23:39

«Man die ka diɛ ma dɔ̀ɔ̃ nɛ ka guĩ bɛ́ lɔn, ma wo ka zũ, kɔnlɛ ka kiwi kɛ dɔ nɛ, ma kɔ ka la ka ka digolon ne.

Zeremii 51:5

A giala, gána lɛ piɛ̃maa-n ka sii baraa nɛ Izirayeli a Lawa sonbore lɛ yɔrɔ-a. Sɛnɛ, Dɛnaa Lawa Pàãyiidɛnaa Izirayeli laanka Zudaa toa walan wa.

Zeremii 7:14

Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Ozee 9:15

Ǹ baraabaa lɛ tumaa na á soo kanaa Gilgaali, walan lɛ nɛ, má ǹ baa zɔ́ɔ. Ǹ nya ǹ dí babaraan lɛn taman yii, ma á re ǹ lui ma ǹ bɔ maa kion. Ma a re ǹ narɛ doo wa, ǹ goledɛnan lɛn tumaa n piã-wɔlen lɛa.

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 33:12

Bɛnzamɛn tɔrɔn wɔ paǹ li, a na á kɛ pɛ: «Dɛnaa Lawa Bɛnzamɛn tɔrɔn narɛ parsiini. Maǹ là nyantoro la kun ka n din ni, n din nə ǹ tamaɛ baraabaraa n din nə giã nɛ ǹ bii.»