Zeremii 12:1 - LAWA A BOO SONBORE 2011

¹ Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

LAWA A BOO SONBORE

¹ Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 12:1 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Nehemii 9:33

Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Zɔbu 12:6

Mɛnaa minin la wolen kɛn, là nyantoro n bɛn kion. Min mɛnɛn bɛ́ n yii we Lawa la, gɔ́ɔ̃-bii ba bɛn-a wa. Ǹ ba Lawa kɔsɔ doɛ̃ wa, yǎa ǹ dinin pàã ke.

Zɔbu 13:3

Sɛnɛ, masɛ n die boo diɛ ka Lawa Pàãyiidɛnaa nɛ, man die n bɔlɔ pii Lawa yɔrɔ-a.

Zɔbu 24:12

Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

Zɔbu 24:23

Lawa n zɛnɛɛ ǹ taasɛ mà ǹsɛn tá là nyantoro la, sɛnɛ, a n giɛ ǹ tɔ wɔ ǹ gɔn ganaa.

Zɔbu 8:17

Ta a n kɔlɔ bǎã nɛ, a nə n gòãn we tán kaka, a gòonən nə dɔ yǎa para ganaa.

Loen 116:5

Dɛnaa Lawa n makara doɛ̃ wole sonbore lɛa. Wɔa Lawa lɛ n makara boe min ganaa.

Loen 119:137

Dɛnaa Lawa, n tá pepere, n sii yɔrɔ bɔ ǹ boon lɛn dɔn man ka te.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Loen 37:1

Davida a loe n ke. N foo baran busu min baraan zɛnaa ǹ sii a lɛa wa. N yii baran bɔ sii baraa-zɛnaalin zɛnaa ǹ sii li wa.

Loen 37:35

Má min baraa yɛ a din a kakabaa nyɛɛ. N din nyɛɛ lon ka woren ka da gole kɔn nɛ.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 92:7

Baãnaan ba màn kɔn doɛ̃ a-n wa, yiriwɛɛnaan ba màn kɔn dɔ giala miɛ a-n wa.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Boo-laakalaali 8:14

Sii goon tá n zɛnɛɛ kanaa kɛ nɛ, a giala banban. Min peperen manə ǹ tan, min baraan nə kɔnbɔ ka sii mɛn nɛ, bɛ nə ǹ yii. Min baraan dɔn manə ǹ tan, min peperen nə kɔnbɔ ka sii mɛn nɛ, bɛ nə ǹ yii. Ka ma pɛ lɔn lɛn, bɛ ba a zii la wa! Kɛ yɛ masɛ nɛ.

Izayii 41:21

Kasɛn tɔrɔ kɔsɔn dìn lɛn, ka da kaa siin yɔrɔ pɛ, Dɛnaa Lawa a da ǹ boo ne; ka kaa zɛnaa ǹ siin nyaa, Zakɔba a kii na á pɛ.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Zeremii 11:20

Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n tá min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Zeremii 12:6

Sonbore, n tanlɛ minin laanka n sumu lɛ minin dinin manə n yiri siɛ̃. Maǹ nə n lɛ dii n ganaa. Ta maǹ boo diɛ n nɛ sɔnbɔraanɛ, n nyan nə n foo doa ǹ ganaa wa.

Zeremii 3:20

Sɛnɛ, ka lɔ bɔlɔgoonbaãdɛnaa bɛ́ lɔn, ká bɔlɔgoonbaãdɛnan baa ma ganaa Izirayeli minin lɛn. Masɛ Dɛnaa Lawa a da ǹ boo ne.

Zeremii 3:7

Man taasɛ máa bɛ tumaa kio, máa á re wusii a da ma li. Sɛnɛ, haayii, a wusoo á daa wa. Ǹ miãnɛn Zudaa bɔlɔgoonbaãdɛnaa lɛ yɛ taãnɛ.

Zeremii 32:16

Ma bɛ́ má wuru pii ǹ sɛ́wɔ lɛ kɔ Neriya a nɛgiĩ Baruku la, má Dɛnaa Lawa nyankɔ kɛnɛn:

Zeremii 5:11

Zudaa minin nə́ ma yiri sã, Izirayeli minin nə ma yiri sã taãn-taãnɛ. Dɛnaa Lawa a da ǹ boo ne.

Zeremii 9:2

Ǹ lɛwɔn nə baraa ka kiɛ bɛ́ lɔn. Ǹ nə́ gána lɛ a mìinaan baa soɛ taman yii peperebaa a lɛa bie wa. Taãn nɛ, gɛ̀ dɛ woo gɛ̀ dɛ, ǹ dí n ka bɛ lɛ nɛ. A giala, ǹ ba ma doɛ̃ wa. Dɛnaa Lawa a da ǹ boo ne.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Ezekieli 18:25

Sɛnɛ, kaa da ǹ boo á ke: «Dɛnaa Lawa a zɛnaa ǹ sii ba a yɔrɔ li wa.» Izirayeli tɔrɔn lɛn, ka n too kɔ. Masɛ a zɛnaa ǹ sii na a ba a yɔrɔ li wa? Ka dininmaan lɛn zɛnaa ǹ sii na a ba a yɔrɔ li wa.

Danayeli sɛ́wɔ 9:14

Bɛ lɛ nɛ, Dɛnaa Lawa, ń koa li miɛ̃, ń bɛa sii baraa kɛ lɛ da wɔ mìi ni. A giala, Dɛnaa Lawa, wɔa Lawa, n zɛnaa ǹ sii tumaa n pepere. Wɔ dinin man wɔ n too kɔ n lon wa.

Danayeli sɛ́wɔ 9:7

Dɛnaa, zɛ̀rɛ ba nsɛ-a wa. Wɔ dinin wɔ n ka sìi ni pelo: Zudaa minin wɔ n ka sìi ni, Zeruzalɛmu minin ni, Izirayeli minin tumaa, ǹ mɛnɛn wɔlɔ bɛ́ kunun, ka ǹ mɛnɛn wɔlɔ bɛ́ sɔsɔɔ. A giala, ǹ goã bɔlɔ tii siin mɛnɛn zɛnɛɛ n nɛ, bɛn lɛn man nə́ toa, ń nə́ ǹ loo, ń nə́ ǹ kaa gána kɔsɔn nɛ.

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Abakuku 1:4

Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Malakii 2:17

Ka n Dɛnaa Lawa nɔmɛɛ ka kaa boo gigiãn kɛn nɛ. Sɛnɛ ka n nɔ̀n diɛ: Wɔ n nɔmɛɛ ka yɔrɔ mɛn nɛ? Ka n pii: Min mɛn bɛ́ sii baraa zɛnɛɛ bɛ n siĩni Dɛnaa Lawa yii li, a n bɛ miã minin lɛn narɛ. Ka n pii dɔn: Lawa kɛ lɛ toɛ peperebaa n yii, á maa?

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.