Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 11:4 - LAWA A BOO SONBORE 2011

4 Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

အခန်းကိုကြည့်ပါ။ ကော်ပီ

LAWA A BOO SONBORE

4 Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

အခန်းကိုကြည့်ပါ။ ကော်ပီ




Zeremii 11:4
39 ပူးပေါင်းရင်းမြစ်များ  

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»


A giala maǹ nə n din a zaman lɛa, n din a kíɛ̃ nɛ ǹ nɛ, ǹ dinin lɛn manɛ, ń nə́ ǹ waa Ezipti gána nɛ ń soo ǹ ne, ń nə́ ǹ bɔ fuu gole bii.


A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.


Sɛnɛ, man maa bɔlɔgoondɛnaabaa nyɛɛ maa narɛɛ wolen laanka maa dí-pɛn tamaa wolen manɛ, yǎa nɔ̀ɔ duu gigiã.


Negɛvu gána a boo gii: Koe gána nɛ, a foo ziziɛ̃ n gɔ̀nɔn bìn diɛ. Yàra san nɛ ka yàra daanan nɛ, kɔrɔkanan nɛ ka tɔɔ babaraa piɛ̃ wolen giã ǹ bǎã nɛ. Kaa dia dí-a wolen manə ǹ naforon goɛ dudunun la, ǹ nə́ ǹ gɔn mànan kiɛ nyɔɔmaan dɔ́ɔ̃ nɛ. Bǐɛ̃baa ǹ mànan manɛ ǹ tá woe koe Ezipti minin la, a da yaa ǹ ba re boe sii kɔn dɔ la ǹ zɛnaa ǹ nɛ wa.


Má ka *yoreen kɔ, sɛnɛ a bie ka wɔrɔ wɔ bɛ́ lɔn wa. Má n da ka gɔ́ɔ̃ li ka là papara ǹ tɛ nɛ.


Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.


Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»


Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.


Ka á re maa zaman biɛ, ma dɔ á re kaa Lawa biɛ.


Bɛ lɛ nɛ, masɛ Dɛnaa Lawa á kɛ pii: «Man die Zeruzalɛmu we Baabilonii minin gɔn ka ǹ kii Nebukadenezɔɔrɔ nɛ, ǹ kũ.


Sɛnɛ, Zeremii pɛ nɛ: «Haayii, ǹ ba re n we ǹ gɔn wa. N too kɔ Dɛnaa Lawa a boo kɛ li doɛ̃ ma á pii n ni. N sii tumaa á re bǐɛ̃ koe, n yii á re goɛ̃ koo.


Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.


Bɛ n die n zɛnɛɛ, màn mɛn bɛ́ toɛ, Izirayeli minin lɛn baran n wɔlɔ lui masɛ ganaa, ǹ papaã wa, ǹ baran *gɔ̀ dɔ da ǹ dinin ganaa, ka ma bɔlɔ tii siin kɛ nɛ wa. Sɛnɛ, ǹ tá re maa zaman biɛ, masɛ á re ǹ dɔn Lawa biɛ. Ma din Dɛnaa Lawa a da ǹ boo ne.


Ma gána mɛn kɔ ka digolon la, ka á re giɛ̃ bɛ lɛ nɛ. Ka á re maa zaman biɛ, ma dɔ á re ka dɔn Lawa biɛ.


Kaa dìn kɛn nɛ, kaa sii bɔbɔnɛɛn laanka kaa Lawa bɔlɔ tii siin kɛn nɛ, ka a re ka dinin gɔgɔrɛ koe ka bɛn nɛ doo wa. Ka goã bǎã mɛn tumaa nɛ, ka ń sii baraa lɛ zɛnɛɛ, ma á re ka wɛɛ, ma ka bɔ walan. Ma á re *gɔ̀ boe ka ganaa, ka á re maa zaman biɛ, ma dɔ á re kaa Lawa biɛ.


Ma á re goɛ̃ kun ka nɛ. Ma á re kaa Lawa biɛ, ka dɔn tá re maa zaman biɛ.


Yankɔrɔ lɛ, tɛ lɛ goã kuĩ a nɛ girigiri, Nebukadenezɔɔrɔ tɔ́n nə n zɔ̃ á dɔ bɛ lɛ-a, á lɛ dia ka koee á pɛ: «Sadraki, Mesaki, Abɛdi-Negoo, lon a Lawa a dí-nyalin, ka soo ka daa!» A din bǎã-n gɔrɔ, ǹ dinin min sɔɔ soo ǹ nə́ n bɔ tɛ lɛ bii.


Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.


Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.


Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»


Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.


Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»


Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»


Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»


Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, bɛ̀ ká n too kɔ bɛn li, kaa wɔ á re bǐɛ̃ koe.


Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.


«Masɛ din Dɛnaa Lawa lɛ n kaa Lawa lɛa. Ma din ni má ka waa má ka bɔ bɛ̀rɛbaa nɛ Ezipti gána nɛ.


A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.


Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ