Zeremii 11:23 - LAWA A BOO SONBORE 2011

²³ Ma bɛ́ re yui Anaatɔti minin gialaa lɛ̀ mɛn-a, ma koe da ǹ mìi ni, min kɔn ba re goɛ̃ a yii n koo wa.»

LAWA A BOO SONBORE

²³ Ma bɛ́ re yui Anaatɔti minin gialaa lɛ̀ mɛn-a, ma koe da ǹ mìi ni, min kɔn ba re goɛ̃ a yii n koo wa.»

Zeremii 11:23 ပူးပေါင်းရင်းမြစ်များ

Zeremii 11:19

Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Zeremii 44:27

Man die n yii soe ǹ ganaa ǹ koe yɛ a lɛa. Zudaa minin mɛnɛn bɛ́ giã-n Ezipti gána nɛ, zia laanka bòo á re ǹ dii. Ǹ goon din ba re goɛ̃ wa.

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 5:9

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 6:9

Dɛnaa Lawa Pàãyiidɛnaa a da ǹ boo á ke: Izirayeli min gialakunun kɛn, ka ǹ tumaa goa, ka rezɛ̃ bɛ́ lɔn wuru-n. Ka n gɔn talaa *rezɛ̃ da lɛ la doo gunyin damata, ka ǹ dɛnaa bɛ́ zɛnɛɛ lɔn kaa-piɛ waáraa.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Abdiasi 1:18

Ezawu tɔrɔn kɛn ka buu bɛ́ lɔn, Zakɔba tɔrɔn kɛn tá re tɛ biɛ bɛn ganaa, Zozɛfu tɔrɔn kɛn tá re tɛbuə̃ biɛ ǹ ganaa, ǹ tá re ǹ kuĩ, ǹ nə ǹ nya lenlen. Ǹ min goon yii a die goɛ̃ koo wa. Ma din Dɛnaa Lawa n má pɛ.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.

Luku 19:44

Ǹ tá re n yui lenlen, n din laanka n gɔ́ɔ̃gɔ́ɔ̃ ǹ minin ni. Ǹ ba re kɔlɔ toɛ ǹ miã la n gɔ́ɔ̃-n wa. A giala, Lawa biikoo mɛn bɔ á daa, mà a nə n sii sii la, n bɛa biikoo lɛ dɔ̃ wa.»