Zeremii 11:20 - LAWA A BOO SONBORE 2011

²⁰ Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n tá min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

LAWA A BOO SONBORE

²⁰ Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n tá min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Zeremii 11:20 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Kiin2 19:14

Ezekiasi sɛ́wɔ lɛ si á bɔ dia dí-a wolen lɛn gɔn á pɛ, bɛ kio, á woo Dɛnaa Lawa a kion. Ezekiasi sɛ́wɔ lɛ lɛ bɔ kɔn Dɛnaa Lawa yɔrɔ-a.

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Zɔbu 5:8

Bɛ̀ masɛ nɛ, man maa sii lɛ pii Lawa nɛ, man maa sii lɛ toɛ Lawa gɔn.

Loen 139:23

Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.

Loen 35:2

Yoo, n goóro saa, a gole laanka a boɛɛn nɛ, n da n dɔ ma lɛ.

Loen 43:1

Ee Lawa, n din sonbore pɛ n da ma lon. N din bɔ ma lɛ-a, n yoo min kɔkɔrɔn kɛn gialaa. N din ma kanbaa minin-bebeleli laanka gɔ́ɔ̃ tì dɛnaa ganaa.

Loen 57:1

Loe-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 58:10

Ǹ nyan laan mà a n piɛ̃ a bún baa, Lawa a foo-busii á re ǹ goɛ, ka piɛ̃ gole bɛ́ lɔn, a kiɛ̃ ǹ nɛ.

Loen 7:10

Min baraan kɛn baraabaa nyaa. N dɔ min peperen kɛn lɛ! A giala, n din nə minbuiin nɛ a taasiɛ doɛ̃, ka a gɔ́ɔ̃gɔ́ɔ̃ ǹ wɔ nɛ. N din lɛ n Lawa pepere lɛa.

Loen 7:8

Tɔrɔ gigiã die a n lɛnpɛnɛ, wusoo n dii n giã ǹ mìi la lon!

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 20:12

Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n nə n min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Busii pɛ 3:58

Dɛnaa Lawa, ń ma kirisibaa, ń ma nyin si.

Busii pɛ 3:59

Ǹ mɛnaa ma la lɔn, Dɛnaa Lawa, ń yɛ. Maa kiri kuru ka peperebaa nɛ.

Busii pɛ 3:64

Ǹ sii mɛn zɛnaa ma nɛ, a saraa ǹ la Dɛnaa Lawa.

Ezekieli 11:5

Dɛnaa Lawa yiri daa ma kũ, á pɛ ma nɛ: – Wo boo kɛ pɛ: «Masɛ Dɛnaa Lawa n kɛ pii: Izirayeli minin lɛn, ka bɛ́ màn mɛn diɛ, ma á miɛ. Sii mɛn bɛ́ ka yiri ni, ma á doɛ̃.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Timote2 4:14

Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Piɛrɛ1 2:23

Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.