Zeremii 11:19 - LAWA A BOO SONBORE 2011

¹⁹ Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

LAWA A BOO SONBORE

¹⁹ Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

Zeremii 11:19 ပူးပေါင်းရင်းမြစ်များ

Zɔbu 28:13

Minbuiinin ba a giɔ̀mɔ doɛ̃ wa, a ba yii yiikoonaan kanaa kɛ-n wa.

Loen 109:13

A tɔrɔ die a papaã. Kànaa ka lɛ̀ dan kɔn, yiri bɔ ka a tɔ-n ka lenlen.

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Loen 116:9

ń giɛ ma dɔ á tɔ we n din yɔrɔ-a yiikoonaan kanaa kɛ nɛ.

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 27:13

Má waa la máa ma á re Dɛnaa Lawa a bǐɛ̃baa yii yiikoonaan kanaa kɛ nɛ.

Loen 31:13

Minin yiri bɔ ma nɛ ka man má gã, ǹ yiri bɔ ma nɛ, ka màn ziziɛ̃ nɛ.

Loen 35:15

Sɛnɛ, bɛ̀ masɛ mɛnaa, ǹsɛn manə n lɛ soekɔn, bɛ̀ ǹ na a yaa wɔ. Ǹ nə́ yoo ma gialaa, ma sii mɛn la, ma a doɛ̃ wa. Tiin nə́ n lɛ kaa kun, ǹ nə ǹ ma pɔpɔsɛ, ǹ ba nyɛɛ wa.

Loen 52:5

Ma n sii baraa narɛ, á la a bǐɛ̃ nɛ, soɛ n kɔɔ̃nɛ n ganaa, á la sonbore ne. *Doa

Loen 83:4

Maǹ tán dù bose n din a zaman kɛ li, n din bɛ́ min mɛnɛn tamaɛ, maǹ kɔn yii bɛn gialaa.

Suusun 10:7

Min mɛnɛn bɛ́ sii sonbore zɛnɛɛ, yiri a boe ǹ ne wa. Sɛnɛ, sii baraa-zɛnaalin kɛn, yiri n boe bɛn nɛ lenlen.

Suusun 24:15

Min baraa, n nyan nə n gɔn da sii sonbore zɛnaa wole a kion ganaa wa. N nyan nə n zɔɔ̃ a giã ǹ bǎã kokoo li wa,

Suusun 7:22

Á bɔ á mɛ lɔ lɛ kio kəni ka dii bɛ́ woe a dɛ ǹ bǎã-n lɔn. Ka kòso nɛ bɛ́ lɔn, giĩ yiriwɛɛnaa lɛ n woe a dɔlɔ bɔ ǹ bǎã ganaa,

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Izayii 38:11

Má goã pii dɔn: Ma a re Dɛnaa Lawa yii doo yiikoonaan tán la wa. Ma a re minbuiin nɛ kɔn yii kanaa minin bii doo wa.

Zeremii 1:19

Ǹ tá re yui n gialaa, Sɛnɛ, ǹ ba re boe sii kɔn la ǹ zɛnaa n nɛ wa, a giala, ma tá kunun n ni, n kirisibiɛ. Masɛ din Dɛnaa Lawa a da ǹ boo ne.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Zeremii 26:8

Zeremii bɛ́ á Lawa a boo lɛ da zaman tumaa nɛ á nya, Lawa a wúlu-bɔlen ne, Lawa a boo gii-dalin ni ka zaman lɛ nɛ, ǹ nə́ Zeremii kũ, ǹ nə́ pii ni: «N doamaa-n ka gɛ̀ nɛ!

Busii pɛ 3:60

Ǹ gɛ̀ dòo bɔ ma ganaa ka yɔrɔ mɛn nɛ, ǹ siin mɛnɛn wɔ kɔn ma ganaa, ń nə́ ǹ yɛ.

Ezekieli 32:24

Elamun kii kɛ dɔ n walan, kun ka a sɔraasin tumaa nɛ. A yala lɛ na a sɔraasin lɛn wɔ bii, ǹ nə ǹ mɛnɛn tumaa dɛ zia la. Soroman lɛn nə́ wɔ tán giulun, ǹsɛn mɛnɛn lɛn nə goã nyɛ́ɛ kiɛ minin ganaa, yiikoonaan kanaa kɛ nɛ. Ǹ dɔn gã n ke ka min gialakunun wɔn bɛ́ lɔn, bɛ n sìi lɛa ǹ mìi ni, ǹ nə́ woe ne.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Ozee 9:8

Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

Minin nimi 1:14

Gaadi tɔrɔn bii: Dewɛli a nɛgiĩ Eliasaafu;