Zeremii 11:10 - LAWA A BOO SONBORE 2011

¹⁰ Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

LAWA A BOO SONBORE

¹⁰ Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 11:10 ပူးပေါင်းရင်းမြစ်များ

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 22:9

Ǹ tá re ǹ lɛ sii ǹ pɛ: «A giala, a minin man nə́ kaa tán lawa kɔsɔn giulun, ǹ nə́ ǹ guguru kɔ. Lɛ kɔ kɔn la mɛn bɛ́ ǹ laanka Dɛnaa Lawa, ǹ Lawa bii n ni, ǹ nə́ n la bɔ bɛ ganaa.»

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zeremii 44:5

Sɛnɛ, ka n too kɔ wa, ka n too da wa. Ka goã sii baraa mɛn tumaa zɛnɛɛ, ka ǹ kɔn toa walan wa. Ka nə n tiɛ̃ tɔn da yon gìĩ kɔɔ̃n tiɛ̃ dì soreen manɛ.

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Ezekieli 16:59

Masɛ Dɛnaa Lawa n kɛ pii: N sii mɛn zɛnaa, man die bɛ lɛ miã zɛnɛɛ n nɛ. A giala, n liɛ mɛn wɔ, n bɛ baa sii lɛa wa, n lɛ kɔ kɔn la lɛ ziziɛ̃.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Ezekieli 5:6

Zeruzalɛmu minin lɛn nə́ n piã ka maa sii yɔrɔ bɔ ǹ boon ne, ǹ nə́ baraa kɔ ǹ nə́ la tɔrɔ kɔsɔn manɛ. Ǹ nə́ n piã ka maa landa boon ne, ǹ nə́ la gánan kɛn manɛ ǹ lɛnpɛnɛ. A giala, ǹ nə́ maa sii yɔrɔ bɔ ǹ boon lɛn tii, ǹ kɔ maa landa boon lɛn lɛ wa.»

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Ozee 6:7

Sɛnɛ, kasɛn, ká lɛ kɔ kɔn la lɛ ziziɛ̃, ka Aadã bɛ́ lɔn. Ka ǹ ká ma sã.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Ebrəə 8:9

Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

Sii yɔrɔ-bɔlen 2:19

Sɛnɛ, bɛ̀ sii yɔrɔ-bɔle lɛ gã lɔn, maǹ wusii bɛ̀ ǹ gɔgɔrɛbaa ǹ sii zɛnaa a la ǹ digolon kɛn wɔ nɛ. Maǹ nə́ goã koe lawa kɔsɔn lɛ, ǹ nə́ dí nyɛɛ bɛn manɛ, bɛ̀ ǹ kaa tán ǹ yɔrɔ-a, bɛ̀ ǹ bɛn guguru kɔ. Ǹ goã ǹ zɛnaa ǹ sii babaraan kɛn laanka ǹ too kakabaa ǹ sii kɛ kɔn kiɛ wa.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.