Zeremii 10:8 - LAWA A BOO SONBORE 2011

⁸ Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

LAWA A BOO SONBORE

⁸ Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 10:8 ပူးပေါင်းရင်းမြစ်များ

Loen 115:8

Toa ǹ zɛnaalin lɛn nə n baa ka ǹ bɛ́ lɔn. Min mɛn tumaa bɛ́ n foo doɛ ǹ ganaa, toa ǹ nə́ n baa ka dìn lɛn dinin bɛ́ lɔn.

Loen 135:18

Min mɛnɛn nə ǹ zɛnaa, min mɛn tumaa bɛ́ n foo doɛ ǹ ganaa, toa ǹ dɔn nə n baa ka ǹ bɛ́ lɔn.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 44:18

Bɛa minin kɛn ba màn kɔn doɛ̃ wa. Ǹ ba sii kɔn giala miɛ wa. A giala, ǹ yii na á tã màn mɛn bɛ́ toɛ ǹ baran wɔlɔ yɛ wa, ǹ yiri na á tã màn mɛn bɛ́ toɛ ǹ baran boo giala ma wa.

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 2:27

Nyín mɛn bɛ́ gɔn lɛa, ka ǹ pii bɛ nɛ: «Maa díi ni n ni!» Nyín mɛn bɛ́ kɔlɔ lɛa, ka n pii bɛ nɛ: «N din ni n ma da kanaa!» Màn mɛn tá-a ka n yɔrɔ dia masɛ la, ka nə n dɔ̀ɔ̃ we ma nɛ. Sɛnɛ, bɛ̀ koe ka yɛ lɔn gɔrɔ, ka ǹ pii ma-n kɛnɛn: «Yoo, n wɔ kirisibaa!»

Zeremii 3:9

A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:4

Man taasɛ: «Min mɛnɛn bɛ́ ǹ ba n taasɛ sɔsɔɔ wa, bɛn zɛnaa ǹ sii n kɛ nɛ. Maǹ sii zɛnɛɛ ǹ nə́ ǹ ba n taasɛ wa. Taãn nɛ! Ǹ ba ǹ Dɛnaa Lawa dùũ doɛ̃ wa, ǹ ba a dí-pɛn dɔn doɛ̃ wa.

Ozee 4:12

Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.