Zeremii 10:15 - LAWA A BOO SONBORE 2011

¹⁵ Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

LAWA A BOO SONBORE

¹⁵ Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 10:15 ပူးပေါင်းရင်းမြစ်များ

Loen 115:9

Izirayeli tɔrɔn lɛn, ka n foo doa Dɛnaa Lawa ganaa. A din nə n doe ka lɛ, á n ka tamaɛ.

Izayii 41:24

Sɛnɛ, kaa màn kɔn din lɛa wa. Ka bɛ́ siin mɛnɛn zɛnɛɛ, kooro ne. Min mɛn bɛ́ ka biɛ lawa lɛa, bɛ n min bɔbɔnɛɛ lɛa.

Izayii 41:29

Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.

Izayii 57:12

Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zeremii 18:15

A da yaa maa zaman yiri bɔ ma nɛ. Maǹ wúlu boe màn kooron ganaa. Bɛa màn kooron lɛn manə ǹ boe ǹ daɛ zii la, ǹ goã koe ziin mɛnɛn lɛ lɛlɛ, maǹ nə n boe n boe bɛn la, ǹ nə́ koe ziin kɔsɔn lɛ ǹ nə́ ǹ ba ǹ doɛ̃ wa.

Zeremii 43:12

Ma á re tɛ diɛ Ezipti a dì kionən ganaa. Nebukadenezɔɔrɔ á re ǹ tiɛ̃, a ǹ goa a wo ǹ ne Baabilonii. Á re Ezipti gɔn màn tumaa goɛ lenlen ka tɔɔn-lɛduə̃li bɛ́ kɔrɔnkiɛ̃n wɛɛ a mɔnaa-n lɔn. Bɛ kio, á re n bɔyɛɛ a wo piɛ là nyantoro gɔ́ɔ̃ nɛ.

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Zeremii 51:18

Ǹ ba màn kɔn lɛa wa. Maǹ yaa dinsɔɔ̃ diɛ. Dɛnaa Lawa bɛ́ re yui ǹ gialaa ǹ mɛn pinaa, ǹ tá re papaɛ̃.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Zonaasi 2:8

Maa fɔfoã bɛ́ re nyɛɛ, ma yiri gisĩ ka n din ni Dɛnaa Lawa, maa nyankɔ dɔ n din li n kion sonbore kɛ nɛ.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Samayeli1 12:21

Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.

Samayeli1 5:4

Bɛa Lɛawaa doo, ǹ nə́ yoo baayɛlɛ yiisoone, bɛ̀ Daagɔn bɛ́ á bɔ á mɛnaa a lɛ la, Dɛnaa Lawa a goo lɛ yɔrɔ-a. Daagɔn mìi na, a gɔnɔn nə́ yiyiɛ ǹ nə́ goa tán kiɛnlɛ baã bii, á dinmaa tunturun kɛ́ goã tán.