Zeremii 1:14 - LAWA A BOO SONBORE 2011

¹⁴ Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

LAWA A BOO SONBORE

¹⁴ Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

Zeremii 1:14 ပူးပေါင်းရင်းမြစ်များ

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 41:25

Má min da zii la gɔsɛ a lɛ̀gɔn la, a n boe wasa a bɔ ǹ bǎã-n die. A n ma tɔ guguru koe. A n tɔrɛ gánadɛnan la, ka ǹ bɛ́ tɔrɛ bɛrɛɛ la lɔn, ka dɔn-bɔle bɛ́ gì tɔrɛ a gòã-n lɔn.

Zeremii 10:22

Ka n too kɔ màn wuu kɛ-a die. Sii lɔlɔkɔn gole ne boe gɔsɛ a lɛ̀gɔn la. A n die Zudaa kiwin biɛ kɛbɔlɔ lɛa, tolokan susu ǹ bǎã lɛa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Zeremii 4:6

Ka sii giala pɛ ǹ màn doa tán *Siɔn, ka n mìi duru, ka nyan golee kaa giã ǹ bǎã-n wa. A giala, masɛ Dɛnaa Lawa n die ka koe ne boe gɔsɛ a lɛ̀gɔn la, koe gole ne.

Zeremii 46:20

Ezipti na á goã tɔɔ sonbore lɛa. Sɛnɛ, nyuun sɔn-dɔle goon na á bɔ gɔsɛ a lɛ̀gɔn la, á daa mɛ la.

Zeremii 47:2

Dɛnaa Lawa boo mɛn da á ke: Mu gole n boe gɔsɛ a lɛ̀gɔn la die. Á mu zii baa, á pã á toɛ̃. Á n kɔ gána lɛ tumaa lɛ, màn mɛn tumaa bɛ́ a nɛ, a kiwin ni ka a minin ni. Minin man gú diɛ, gána lɛ a min tumaa n gɛ̀ loe loe.

Zeremii 50:41

Á ke, Tɔrɔ goon nə boe gɔsɛ a lɛ̀gɔn li die. Zaman gole nə n toɛ kanaa lɛ dan ganaa die.

Zeremii 50:9

Taãn nɛ, man die bìn diɛ gána dadara gigiã ganaa, ma ǹ dia ǹ wo Baabilonii kũ. Bɛa tɔrɔn lɛn man die boe gɔsɛ a lɛ̀gɔn la. Maǹ nə n tele kɔn li, ǹ yoo gána lɛ gialaa, ǹ kũ. Ǹ kiɛn lɛn man ka zia-baali zanbia a kiɛn bɛ́ lɔn, a ba n bɔyɛɛ ka a gɔn kooro-n wa.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Zeremii 6:22

Dɛnaa Lawa bɛ́ boo mɛn pii, á ke: Tɔrɔ goon nə boe gɔsɛ a lɛ̀gɔn li die. Zaman gole kɔ́n nə n toɛ kanaa lɛ dan ganaa die.

Ezekieli 1:4

Ma bɛ́ giɛ, bɛ̀ la a piɛ̃ kaara á ke, á n toa gɔsɛ a lɛ̀gɔn la á n die. Labara gangabiɛ na á goã a nyɛɛnɛ, la ń tɛ pii bɛ̀ a bɛ bii kukuru kɔn. Tɛ fúlu kɔn na á goã bɛa labara lɛ lɛnpɛnɛ, a bii kɛ na á goã tɛ pii ka zan tɛ-pɛle bɛ́ lɔn.

Ezekieli 24:3

Boo giməə da piã-wɔlen kɛn manɛ, n pɛ ǹ nɛ, mà masɛ din Dɛnaa Lawa n kɛ pii ǹ ni: Fɔlɔ donkolon da tɛ la, a da la, n mu kaa a nɛ.

Zowɛli 2:20

Kaa zɔ́ɔn mɛnɛn bɛ́ n toɛ gɔsɛ a lɛ̀gɔn li ǹ nə́ die, ma á re bɛn lɛ goɛ ka ganaa, ma ǹ dia sɔsɔɔ, don bǎã gere ne. Ǹ mɛnɛn bɛ́ nyɛɛnɛ, ma á re bɛn nyɛnɛɛ ma ǹ kaa lɛ̀giala a tà mu kɛ li. Ǹ mɛnɛn bɛ́ kio, ma á re bɛn nyɛnɛɛ ma ǹ kaa lɛ̀nyɛɛnɛ a mu kɛ li. Ǹ tá re giɛ̃ walan, ǹ gìĩ bɔ kusi kusi. A giala, ǹ dɔn nə́ basaã gigiã kɔ.

Zakarii 6:6

Sùi tìtìn bɛ́ ziabaa ǹ wotoro mɛn baɛ̃, bɛ n woe gɔsɛ a lɛ̀gɔn la gána kɛ nɛ, sùi fufun nə́ ǹ kio. Sùi tã bababan man woe gusin a lɛ̀gɔn la gána kɛ nɛ.