Zeremii 1:11 - LAWA A BOO SONBORE 2011

¹¹ Dɛnaa Lawa boo da ma nɛ, á pɛ: «Zeremii, n yii n wàa ganaa?» Má a lɛ si: «Ma yii n amandie da gùrù ganaa, da mɛn lɛ yii bɛ́ fuu nɛ kɔ li.»

LAWA A BOO SONBORE

¹¹ Dɛnaa Lawa boo da ma nɛ, á pɛ: «Zeremii, n yii n wàa ganaa?» Má a lɛ si: «Ma yii n amandie da gùrù ganaa, da mɛn lɛ yii bɛ́ fuu nɛ kɔ li.»

Zeremii 1:11 ပူးပေါင်းရင်းမြစ်များ

Siin Giala 30:37

Zakɔba ga dan kɔnɔn gùrù buruun li: da lɛ a goon tɔ n puplie, goon tɔ n amandie, goon tɔ n platane. Á bɛa bàlà burunun lɛn bǎã tɛnɛn fɔrɔ bɔ, á ǹ nyaǹ kɔ fufu.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Zeremii 24:3

Dɛnaa Lawa nɔ̀n da ma la kɛnɛn: «Zeremii, n yii n wàa ganaa?» Ma á lɛ si: «Ma yii n gɔ́rɔ nɛ ganaa: ǹ mɛnɛn bɛ́ siĩn sɔnbɔraanɛ, bɛn man kɔɔ̃nɛ, ǹ mɛnɛn bɛ́ ǹ ba siĩn wa, ǹ nə́ ziziɛ̃, min ba boe la a ǹ bii wa.»

Ezekieli 12:25

A giala, masɛ din nə Dɛnaa Lawa lɛa. Bɛ̀ ma màn mɛn pɛ, bɛa zɛnaa ba ǹ lɔloɛ wa. Man die ka toɛ ka yii n koo tɔrɔ piã-wɔlen lɛn, ma bɛ́ màn mɛn pii, ma bɛ zɛnaa. Ma din Dɛnaa Lawa a da ǹ boo ne.»

Ezekieli 12:28

Bɛ lɛ taman yii, a pɛ ǹ nɛ mà masɛ Dɛnaa Lawa n kɛ pii: Ma a da ǹ boon kɛn kɔn a sii ba re n lɔloɛ doo wa. Ma bɛ́ màn mɛn pii, bɛ lɛ n die n zɛnɛɛ. Ma din Dɛnaa Lawa a da ǹ boo ne.»

Ezekieli 7:10

Kiri wɔ lɛawaa á ke die, á ke á dɔ á nya. Á dɔ. Màn nə miɛ̃ kakaarɛbaa li, din gole kɔ n pàã yii.

Amɔɔsi 7:8

Dɛnaa Lawa tɔ́n nɔ̀n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Màn zɔɔ̃ ǹ biɛ nɛ.» Dɛnaa Lawa tɔ́n pɛ ma nɛ: «Á ke, man die biɛ diɛ maa zaman Izirayeli minin lɛn li ma ga ǹ ganaa. Ǹ kɔkɔrɔbaa lɛ taman yii, ma a re ǹ toɛ walan doo wa.

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Zakarii 4:2

Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

Zakarii 5:2

Lon a dia dí-a wole lɛ nɔ̀n da ma la: «N yii n wàa ganaa?» Má a lɛ si kɛnɛn: «Ma yii n sɛ́wɔ munii ganaa piɛ̃ li. A sasabaa n mɛtərə fù a kununbaa n mɛtərə sooro.»

Minin nimi 17:8

Muizu laanka Aarɔn tɔ́n kiɛ̃ ǹ nə́ woo kɔn yɛ ka Lawa nɛ ǹ kion lɛ yɔrɔ-a.