Zakarii 9:2 - LAWA A BOO SONBORE 2011

² A n boo diɛ ka Amaati ni, kunu Damaasi kiwi ganaa, ka Tiiri kiwi laanka Sidɔn kiwi ni, ǹsɛn mɛnɛn doɛ̃ bɛ́ gole.

LAWA A BOO SONBORE

² A n boo diɛ ka Amaati ni, kunu Damaasi kiwi ganaa, ka Tiiri kiwi laanka Sidɔn kiwi ni, ǹsɛn mɛnɛn doɛ̃ bɛ́ gole.

Zakarii 9:2 ပူးပေါင်းရင်းမြစ်များ

Kiin1 17:9

«Yoo, Sarɛptaa kiwi ke Sidɔn gána nɛ, n wo walan n giã a nɛ. Má pɛ lɔ giɔɔrɔ goon ne walan, má a die a màn-bii kɔ n la.»

Kiin2 23:33

Eziptin kii *Faarahɔn Nekoo Zoakazi da biɛ nɛ Ribla kiwi, Amaati gána nɛ, màn mɛn bɛ́ toɛ, a kiibaa zɛnaa lɛ da Zeruzalɛmu kiwi. Faarahɔn Nekoo lɛ wɔrɔ kilo duu sɔɔ ka biɛsii (3 400) da gána lɛ mìi ni, ka sana kilo pɔsɔɔwensii ni, nyin giɔ̀mɔ lɛa.

Kiin2 25:21

Baabilonii gána a kii lɛ tɔ́n nə ǹ dɛ ǹ nə́ gã Ribla kiwi, Amaati gána nɛ. Maǹ nə́ Zudaa minin goa ka bɛa yɔrɔ lɛ nɛ, ǹ nə́ woo ǹ ne ǹ wɔlɔ n lui ni ǹ gána ganaa.

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Zeremii 47:4

A giala, Filisiti minin sii tumaa ziziɛ̃ lɛawaa nɛ. Min mɛn tumaa bɛ́ re n doe Tiiri laanka Sidɔn kiwi lɛ, maǹ die bɛn ziziɛ̃. Filisiti minin li, Dɛnaa Lawa n màn tumaa ziziɛ̃, ka min mɛnɛn yii goã koo mu a bǎã da bii wole Krɛti ni.

Zeremii 49:23

Damaasi kiwi a paǹ li: Amaati kiwi laanka Arpaadi kiwi kibərə baraa ma. Sìi nə n kɔ ǹ lɛ. Ǹ yiri lɔlɔkɔnmaa nɛ, ka yìsi mu bɛ́ lɔn, a boe la á golee wa.

Ezekieli 27:1

Dɛnaa Lawa boo da ma nɛ á pɛ:

Ezekieli 28:1

Dɛnaa Lawa boo da ma nɛ á pɛ:

Ezekieli 28:12

«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii: Nsɛ lɛ a sii tumaa lɛ na á goã piɛ̃ nɛ, n sii-doɛ̃ ke, bɛ dɔ kɔn, n siĩnbaa kɛ dɔ lɛ pã.

Ezekieli 47:16

a kiɛ̃ a da bɔ Berotaa laanka Sibrayimu kiwin kɛn nɛ, Damaasi laanka Hamati gána bii. A nə n toɛ walan, a wo bɔ Asɛɛrɛ-Tikɔn gána kɛ nɛ, kunu Horan gána gèlè ganaa.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 6:14

Bɛ lɛ nɛ, pàã tumaa a Dɛnaa Lawa tɔ́n pɛ kɛnɛn: Izirayeli tɔrɔn lɛn, man die tɔrɔ kɔsɔ diɛ ka-a. Bɛ á re boe ka yii ni, a saa Lebo-Amaati kiwi lɛkoro ganaa gɔsɛ a lɛ̀gɔn la, a wo yǎa nyankɔrɔ lɛ kɛ nɛ tà kɛ lɛkoro-a gusin a lɛ̀gɔn la.

Abdiasi 1:20

Ǹ Izirayeli a zia nɛn mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ, Kanaan gána ke, a wo Sarɛptaa kiwi yaa, bɛ á re doe bɛn ganaa. Ǹ Zeruzalɛmu minin mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ Sefaradi, gusin a lɛ̀gɔn la kiwin kɛn tá re doe bɛn ganaa.

Minin nimi 13:21

Bɛ kio, ga bǎã ganaa wolen lɛn nə́ woo. Ǹ nə́ gána lɛ a gama a saa tán Sinin diə gole kɛ nɛ yǎa Rewɔbu kiwi, kunu Lebo-Amaati kiwi ganaa.