Zakarii 4:2 - LAWA A BOO SONBORE 2011

² Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

LAWA A BOO SONBORE

² Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

Zakarii 4:2 ပူးပေါင်းရင်းမြစ်များ

KZS1 28:15

Bólon da ǹ bǎã nɛ sana lɛa, ka ǹ sana bólonən kɛn nɛ, bólon da ǹ bǎã mɛnɛn bɛ́ wɔrɔ lɛa ka ǹ wɔrɔ bólonən ne, á bɛn dɔn gugurubaa a kilo pɛ nɛ ka ǹ kɔnbɔ ka dí mɛn nɛ.

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

KZS2 4:7

Salomɔn bolon da ǹ bǎã fù zɛnaa sana lɛa ka ǹ bɛ́ ǹ nə́ nyaa-n lɔn, á ǹ kaa Lawa a kion kɛ nɛ, sooro n gusin, sooro n gɔsɛ.

Boo-laakalaali 12:6

Wɔrɔ biɛ lɛ n die fore, sana donkolon lɛ n die yui, dɔn lɛ n die yui mu yala lɛ-a, mu si ǹ gagana ziziɛ̃ lɛ n die boe a mɛnaa tù ni.

Zeremii 24:3

Dɛnaa Lawa nɔ̀n da ma la kɛnɛn: «Zeremii, n yii n wàa ganaa?» Ma á lɛ si: «Ma yii n gɔ́rɔ nɛ ganaa: ǹ mɛnɛn bɛ́ siĩn sɔnbɔraanɛ, bɛn man kɔɔ̃nɛ, ǹ mɛnɛn bɛ́ ǹ ba siĩn wa, ǹ nə́ ziziɛ̃, min ba boe la a ǹ bii wa.»

Zeremii 52:19

Mànan mɛnɛn tumaa goã sana lɛa hinlaa wɔrɔ lɛa, kii-lɛduə̃lin goledɛnaa lɛ bɛn tumaa goa: Doon manɛ, nyɔɔ gìĩ kɔɔ̃n tã ǹ mànan nɛ, mà pɛsɛ̃ ǹ tàanan nɛ, ton goa ǹ mànan nɛ, bolon da ǹ bǎãn nɛ, kaaranan nɛ ka màn gialakunun ni.

Amɔɔsi 7:8

Dɛnaa Lawa tɔ́n nɔ̀n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Màn zɔɔ̃ ǹ biɛ nɛ.» Dɛnaa Lawa tɔ́n pɛ ma nɛ: «Á ke, man die biɛ diɛ maa zaman Izirayeli minin lɛn li ma ga ǹ ganaa. Ǹ kɔkɔrɔbaa lɛ taman yii, ma a re ǹ toɛ walan doo wa.

Zakarii 5:2

Lon a dia dí-a wole lɛ nɔ̀n da ma la: «N yii n wàa ganaa?» Má a lɛ si kɛnɛn: «Ma yii n sɛ́wɔ munii ganaa piɛ̃ li. A sasabaa n mɛtərə fù a kununbaa n mɛtərə sooro.»

Sii-nyaan 1:12

Má n yɔrɔ bɔyaa má n giɛ boo lɛ a dali li. Má tɔ́n sana bolon tàan koa ǹ bǎã sɔbaa yɛ.

Sii-nyaan 1:20

Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 4:5

La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.