Zakarii 10:9 - LAWA A BOO SONBORE 2011

⁹ Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

LAWA A BOO SONBORE

⁹ Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Zakarii 10:9 ပူးပေါင်းရင်းမြစ်များ

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Ɛsit 8:17

Kii a boo lɛ laanka a lɛ-dia lɛ goã á dɔ gána lɛ a bǎã mɛn tumaa nɛ, a goã á dɔ kiwi mɛn tumaa nɛ, a na á goã foo kɔɔ̃nbaa laanka nyɛnyɛɛ lɛa Zuifun gɔn, a na á goã zɔ́n gole laanka lɛawaa gole lɛa. Gána lɛ a min gigiã na á goã n dinin biɛ Zuifun lɛa, a giala man nə́ goã nyɛ́ɛ biɛ Zuifun lɛn manɛ.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Izayii 65:23

Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Izayii 65:9

Sɛnɛ, ma á re nɛnyaanan koe Zakɔba a zaman la, maa kelen nə Zudaa tɔrɔn kíɛ̃ baa. Ma min mɛnɛn bɔ, gána lɛ á re bɛn wɔ biɛ, ǹ mɛnɛn bɛ́ dí nyɛɛ ma nɛ, bɛn tá re gɛnɛɛ a nɛ.

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Amɔɔsi 9:9

Sonbore, á ke: «Man die bìn diɛ Izirayeli tɔrɔn kɛn ganaa tɔrɔ kɔsɔn bii, ka ǹ bɛ́ màn zazaaboe ka tɛ̀mɛ-n lɔn, kɔlɔ boɛɛn kɔn din ba re soe a mɛnaa tán wa.

Misee 5:7

Zakɔba tɔrɔn mɛnɛn yii goã koo, ǹ tá re giɛ̃ gána kɔsɔn minin bii, ǹ tá re giɛ̃ tɔrɔ gigiã kɔsɔn bii, kaka ka yàra bɛ́ lɔn don mànan bii, ka yàra ten bɛ́ lɔn sèren bii. Bɛ̀ á bɔ bǎã mɛn nɛ, a n màn kuĩ a wɔwoɛ̃ kɔn, min dɔ a boe la á sii la wa.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Nya ǹ dín 8:4

Sɛnɛ, ǹ minin mɛnɛn sasawaa ke, bɛn ma nə́ goã n bibiĩ, bɛ̀ ǹ nə́ Yezu a boo kɔɔ̃n kɛ pii.

Rɔmu minin 11:24

Sonbore, nsɛ tɔrɔ kɔsɔ kɛ lɛ, nsɛ nə n goã don a olivie da gùrù lɛa. N lɛ-mui sii bɛ́ a bie ka sii mɛn nɛ wa, bɛ na á n zɛnaa n nɛ. Maǹ nə́ n bɔ n bǎã nɛ, ǹ nə́ daa n wɔ olivie da taãn ganaa. Sanparɛ Zuifun mɛnɛn dinin bɛ́, ǹ nə́ goã olivie da taãn kɛ a gùrù taãn-taãnan lɛa, bɛ̀ ǹ tá wusii bɛn woe ǹ bǎã zizin ni, bɛa re naanaa koe a la yii-n wa?