Zaaki 5:3 - LAWA A BOO SONBORE 2011

³ soe kaa sana laanka kaa wɔrɔ kũ. Bɛa soe lɛ n die ka gɔ̀nɔn siĩ kuĩ ka tɛ bɛ́ màn kuĩ lɔn, a kaa nya ǹ dí baraa nyaa. Ka ǹ ká naforo lɛ sɔkɔn-a biikoo giala-nyɔmiɛn kɛn gɔ́ɔ̃-n ka koa!

LAWA A BOO SONBORE

³ soe kaa sana laanka kaa wɔrɔ kũ. Bɛa soe lɛ n die ka gɔ̀nɔn siĩ kuĩ ka tɛ bɛ́ màn kuĩ lɔn, a kaa nya ǹ dí baraa nyaa. Ka ǹ ká naforo lɛ sɔkɔn-a biikoo giala-nyɔmiɛn kɛn gɔ́ɔ̃-n ka koa!

Zaaki 5:3 ပူးပေါင်းရင်းမြစ်များ

Siin Giala 31:48

Laban tɔ́n pɛ: «Kɔlɔ dakɔnla kɛ n siére lɛa pelo, wɔsɛn min paa bii ni. Bɛ lɛ na á toa, ǹ nə́ bíi Galɛɛdi bɛ giala mà "Siére a kɔlɔ dakɔnla".»

Siin Giala 31:52

Kɔlɔ dakɔnla kɛ laanka kɔlɔ doa kɛ n siére lɛa. Masɛ nə n liɛ, máa maa re n gòã diɛ ǹ kio, ma pɛ máa man die sii baraa zɛnɛɛ n nɛ wa. N dɔ baran n gòã da ǹ kio, n pɛ mà n nə ǹ die sii baraa zɛnɛɛ ma-n wa.

Siin Giala 49:1

Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

Zɔbu 16:8

A wɔ̀lɔ̀ da ma ganaa, á ma zɛ̀rɛ baa nɛ, maa pɛrɛ kɛ dɔ n ma zɛ̀rɛ biɛ.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 19:9

Zɔ́ɔn mɛnɛn bɛ́ zoɛ̃ ǹ gɛ̀ li, bɛn tá re kiwi lɛ lɛnpɛnɛ, ǹ yoo ǹ gialaa. Nɔmaa baraa taman yii, ǹ tá re ǹ nɛgiĩn laanka ǹ nɛlɔn siĩ soɛ̃, ǹ dinin dɔn nə kɔn siĩ sɔ̃.

Misee 3:3

A n goon ka ka n ma tɔrɔ minin lɛn siĩ soɛ̃. A n goon ka ka n ká ǹ ki bɔ, ka ǹ wen yiyiɛ, ka siĩ din bɛ́ ǹ tá kukuri, bɛ̀ ǹ kaa kùsì-n lɔn, ka siĩ bɛ́ ǹ tá kukuri, bɛ̀ ǹ kaa fɔlɔ donkolon ne lɔn, ka n ká ma tɔrɔn lɛn baa miɛ̃.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Nya ǹ dín 2:17

A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Timote2 2:17

Ǹ da ǹ boo lɛ n basaã koe, ka baayɛrɛ bɛ́ gɔ̀nɔn siĩ gialakun ziziɛ̃ lɔn. Bɛ miã sɛ̀ kooro pɛlen lɛn man ka Imenee laanka Filetɔsi ni.

Zozoe 24:27

Zozoe tɔ́n pɛ zaman lɛ tumaa-n kɛnɛn: «Á ke, kɔlɔ kɛ n die goɛ̃ siére lɛa wɔsɛn yɔrɔ-a, a giala, Dɛnaa Lawa boo mɛn tumaa da wɔ nɛ, a ná a tumaa ma. A n die goɛ̃ siére lɛa ka yɔrɔ-a, màn mɛn bɛ́ toɛ, ka baran n piã ka Lawa-n wa.»

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»