Zaaki 3:9 - LAWA A BOO SONBORE 2011

⁹ A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa.

LAWA A BOO SONBORE

⁹ A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa.

Zaaki 3:9 ပူးပေါင်းရင်းမြစ်များ

Siin Giala 5:1

Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

Siin Giala 9:6

Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

Samayeli2 16:5

Kii Davida bɛ́ doe Bawurimu kiwi, bɛ̀ giĩ goon dɔ n soe kiwi lɛ nɛ. Sayulu a kion minin kɛn tanlɛ min ni. A tɔ n Simeyii, Geraa a nɛgiĩ ni. A bɛ́ soe, a na á goã lɛn baraa bíi.

Samayeli2 19:21

A giala, ma á doɛ̃ máa ma sii baraa zɛnaa. Sɛnɛ, pelo, ma din nə ke má daa n da maa dɛnaagiĩ kii lɛ, gɔsɛ a lɛ̀gɔn la gána minin kɛn tumaa nyɛɛnɛ.»

KZS1 29:10

Davida barka da Dɛnaa Lawa nɛ zaman tumaa yɔrɔ-a, a n pii kɛnɛn: «Gugurubaa nə wɔ lɛa, biikoo yii tumaa li yǎa duduu, Dɛnaa Lawa, Izirayeli a Lawa, wɔa Lawa!

KZS1 29:20

Bɛ kio Davida pɛ zaman lɛ tumaa nɛ: «Ka barka da Dɛnaa Lawa, kaa Lawa nɛ!» Ǹ tumaa barka da Dɛnaa Lawa, ǹ digolon Lawa nɛ. Ǹ tumaa kaa ǹ musin la, ǹ nə́ n kuməə tán Dɛnaa Lawa yɔrɔ-a ka kii ni.

Loen 10:7

A lɛ gɔ́ɔ̃ ǹ boo yii n baraa, soɛ, kakaarɛ, boo ziziɛ̃ laanka boo basaã n soe a lɛ-n.

Loen 108:1

Loe. Davida a loe goon ne.

Loen 145:1

Davida a Lawa tɔ bɔ ǹ loe n ke. Maa Lawa, n din nə maa kii lɛa. Man die n din guguru koe, man die barka diɛ n din ni miɛ̃ duduu.

Loen 145:21

Ma lɛ á re Dɛnaa Lawa tɔ boe. Màn tumaa die a barka da Dɛnaa Lawa sonbore kɛ nɛ, biikoo tumaa li yǎa duduu!

Loen 16:9

Bɛ lɛn ke, ma foo á kɔɔ̃nɛ, ma tá n nyɛnyɛɛ, foo-doa tá ma lon.

Loen 30:12

Ń maa foo-ziziɛ̃ lɛ bɔyaa ń baa bɛ̀ lɛa. Ń maa yɔrɔ-kɔsiɛ bɔyaa ń baa zɔ́n lɛa.

Loen 34:1

Davida gàãnaabaa ǹ sii mɛn zɛnaa kii Abimelɛki yɔrɔ-a, á n din tìĩ bɔ a nyin ni. Abimelɛki bɛ́ á loo, a bɛ́ woe a na á loe kɛ lɔ.

Loen 35:28

Ma á die n bɔlɔgoondɛnaabaa kɛ pii, bɛ̀ ma timəə la, ma á die loe loe baraabaraa, bɛ̀ ma n tɔ bɔ nɛ.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 57:8

Á ke, ma foo á doa nɛ, Lawa, ma foo á doa nɛ. Man die loe loe, ma n tɔ bɔ nɛ.

Loen 59:12

N baran ǹ dɛ n nə ǹ yɔyɔrɛ sisia wa. Bɛ bie wa, ma tɔrɔ minin kɛn yiri á re boe n gɔ̀lɔ̀baa kɛ nɛ. Dɛnaa, n din nə wɔa goóro lɛa. Bìn da ǹ ganaa ka pàã gole ne, n toa ǹ mɛnaa.

Loen 62:4

Ka tumaa n die n lɛ kiɛ kun yǎa biĩ, mà ka n yui min goon gialaa, ka n die, ka ǹ bɛ́ kungɔn talaa wole, hinlaa bìn dii wole die ǹ kaa lɔn?

Loen 63:4

Má goã loe loe n tɔ boe ne, a giala, n kɔn-narɛɛ gole ke, á soɛ yiikoonaabaa nɛ.

Loen 71:24

Biikoo tumaa li, man die n peperebaa kɛ boo diɛ, a giala, mà min mɛnɛn bɛ́ giɛ maa bɔ̀n li, sìi bɛn kũ, ǹ nə́ puusə-kɔ dɔ yɛ.

Boo-laakalaali 7:22

A giala n tá doɛ̃ n din gɔ́ɔ̃ nɛ, mà gunyin gigiã, mà nsɛ dɔ lɛn baraa bíi min kɔsɔn li.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Matiə 26:74

Piɛrɛ yoo á dì bíi a din li, á n liɛ: «Bɛ̀ masɛ soɛ bɔ, Lawa dɔlɔ bɔ ma ganaa! Masɛ a kɛa giĩ lɛ doɛ̃ wa dɛ!» A din biikoo lɛ li gɔrɔ, koo sa goon nə́ wuu pɛ.

Matiə 5:44

Sɛnɛ masɛ n pii ka nɛ, ka kaa zɔ́ɔn narɛ. Min mɛnɛn bɛ́ fuu nyɛɛ ka nɛ, ka Lawa nyankɔ bɛn manɛ.

Nya ǹ dín 2:26

Bɛ lɛ-n ma foo á kɔɔ̃nɛ, ma á nyɛnyɛɛ ǹ loe loe. Ta man giɛ̃, ma foo n doa nɛ n din Lawa ganaa,

Rɔmu minin 3:14

Liɛ minin li laanka boo baraa diɛ dinsɔɔ̃ n boe ǹ lɛ-n.

Korɛnti1 11:7

Giĩ sɛ ba kɔnboe a màn kuməə a mìi ganaa wa, a giala, a n Lawa a kɔnboe lɛa, á n Lawa a gugurubaa nyɛɛ. Sɛnɛ, lɔ n giĩ a gugurubaa lɛa.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.

Zaaki 3:10

Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.